ಶೌಚಾಲಯಗಳ ಬಗ್ಗೆ ತಪ್ಪುಮಾಹಿತಿ: ಕ್ರಮದ ಎಚ್ಚರಿಕೆ

ನವದೆಹಲಿ: ಬಯಲು ಮುಕ್ತ ಶೌಚಾಲಯಗಳ ಸ್ಥಿತಿಗತಿ ಕುರಿತು ತಪ್ಪು ವರದಿ ನೀಡಿದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ರಾಜ್ಯ ಸರ್ಕಾರಗಳಿಗೆ ಕುಡಿಯುವ ನೀರು ಮತ್ತು ನೈರ್ಮಲ್ಯ ಸಚಿವಾಲಯ ಎಚ್ಚರಿಸಿದೆ.

ಈ ಕುರಿತು ಎಲ್ಲಾ ರಾಜ್ಯಗಳಿಗೆ ಸಲಹಾ ಪತ್ರ ಹೊರಡಿಸಿರುವ ಸಚಿವಾಲಯ, ಸ್ವತ್ಛ ಭಾರತ ಅಭಿಯಾನದ ಅಡಿ ಪ್ರತಿ  ಗ್ರಾಮೀಣ ಪ್ರದೇಶಗಳಲ್ಲೂ ಉತ್ತಮ ಶೌಚಾಲಯ ವ್ಯವಸ್ಥೆ ಕಲ್ಪಿಸಲು ಸೂಚಿಸಿದೆ. ಶೌಚಾಲಯಗಳ ಸ್ಥಿತಿಗತಿ ಕುರಿತು ಆಸಮರ್ಪಕ ಮಾಹಿತಿ ನೀಡಿದವರಿಗೆ ಮತ್ತು ಕಳಪೆ ಶೌಚಾಲಯ ನಿರ್ಮಿಸಲು ಕಾರಣರಾದವರನ್ನು ಕಠಿಣ ಶಿಕ್ಷೆಗೆ ಒಳಪಡಿಸಲಾಗುವುದು ಎಂದು ಹೇಳಿದೆ. ಮಾಧ್ಯಮವೊಂದು ಕಳಪೆ ಶೌಚಾಲಯಗಳ ಕುರಿತು ವರದಿ ಮಾಡಿದ ಹಿನ್ನೆಲೆಯಲ್ಲಿ ಸರ್ಕಾರ ಈ ಕ್ರಮ ತೆಗೆದುಕೊಂಡಿದೆ.