ವಿದ್ಯಾರ್ಥಿ ಸಹಿತ 7 ಮಂದಿಗೆ ಬೀದಿ ನಾಯಿ ಕಡಿತ 

ಕಾಸರಗೋಡು: ಬೀದಿ ನಾಯಿ ಯೊಂದು ಶಾಲಾ ವಿದ್ಯಾರ್ಥಿ ಸಹಿತ 7 ಮಂದಿಗೆ ಕಡಿದು ಗಾಯಗೊಳಿಸಿದ ಘಟನೆ ಕೀಯೂರಿನಲ್ಲಿ ನಡೆದಿದೆ.

ಕೀಯೂರು ಫಶರೀಸ್‌ ಶಾಲೆಯ ಮೂರನೇ ತರಗತಿ ವಿದ್ಯಾರ್ಥಿ ಸಫರುದ್ದೀನ್‌(8), ಕೀಯೂರು ನಿವಾಸಿಗಳಾದ ಖದೀಜ (50), ಸೈನಬ (43), ಮೀನು ಕಾರ್ಮಿಕ ಕೆ.ನಾರಾಯಣನ್‌ (61), ಮೀನು ಕಾರ್ಮಿಕ ಬಂಗಾಲ ನಿವಾಸಿ ಕೈನಂದಾಸ್‌ (34), ಕರ್ನಾಟಕ ನಿವಾಸಿ ಗಂಗಾಧರ (65), ಕಳನಾಡು ರೈಲು ನಿಲ್ದಾಣ ನಿವಾಸಿ ಅಪ್ಪುಕುಟ್ಟನ್‌ (70) ಅವರಿಗೆ ಬೀದಿ ನಾಯಿ ಕಡಿದು ತೀವ್ರ ಗಾಯಗೊಳಿಸಿದೆ. ಗಾಯಾಳುಗಳನ್ನು ಕಾಸರಗೋಡು ಜನರಲ್‌ ಆಸ್ಪತ್ರೆಗೆ ಸೇರಿಸಲಾಗಿದೆ.