Stree 2; ಗೆಲುವಿನ ಹಾದಿಯಲ್ಲಿ ಸ್ತ್ರೀ; ಬಾಕ್ಸಾಫೀಸ್‌ ನಲ್ಲಿ ಭರ್ಜರಿ ಕಲೆಕ್ಷನ್

ರಾಜಕುಮಾರ್‌ ರಾವ್‌ ಹಾಗೂ ಶ್ರದ್ಧಾ ಕಪೂರ್‌ ಜೋಡಿ ಮತ್ತೆ ಮೋಡಿ ಮಾಡಿದೆ. ಅಮರ್‌ ಕೌಶಿಕ್‌ ನಿರ್ದೇಶನದಲ್ಲಿ ಮೂಡಿಬಂದ ಸ್ತ್ರೀ 2 ಚಿತ್ರ ಮೆಚ್ಚುಗೆ ಗಳಿಸುವುದಲ್ಲದೇ ಬಾಕ್ಸ್‌ ಆಫೀಸ್‌ ನಲ್ಲೂ ಭರ್ಜರಿ ಕಲೆಕ್ಷನ್‌ ಮಾಡಿಕೊಂಡಿದೆ.

ಆಗಸ್ಟ್‌ 15ರಂದು ಬಿಡುಗಡೆಗೊಂಡ ಚಿತ್ರ ದೇಶಾದ್ಯಂತ ಒಂದೇ ವಾರದಲ್ಲಿ 270 ಕೋಟಿ ರೂ. ಗಳಿಸಿದ್ದು, 300 ಕೋಟಿ ರೂ. ತಲುಪುವ ನಿರೀಕ್ಷೆ ಹೊಂದಿದೆ ಚಿತ್ರತಂಡ.

“ನಾಳೆ ಬಾ’ ಎಂಬ ಪರಿಕಲ್ಪನೆಯೊಂದಿಗೆ “ಸ್ತ್ರೀ’ ಚಿತ್ರ 2018ರಲ್ಲಿ ಬಿಡುಗಡೆಗೊಂಡಿತ್ತು. ಹಾರರ್‌ ಕಾಮಿಡಿ ಶೈಲಿಯ ಈ ಚಿತ್ರ ಯಶಸ್ಸು ಕಂಡ ಹಿನ್ನೆಲೆ ಅದರ ಮುಂದಿನ ಅವತರಣಿಕೆಯಾಗಿ ಈ ವರ್ಷ “ಸ್ತ್ರೀ 2′ ಬಿಡುಗಡೆಗೊಂಡಿದೆ.

ಚಿತ್ರದಲ್ಲಿನ ಪಂಕಜ್‌ ತ್ರಿಪಾಠಿ, ಅಪರಶಕ್ತಿ ಖುರಾನಾ, ಅಭಿಷೇಕ್‌ ಬ್ಯಾನರ್ಜಿ ನಟಿಸಿದ್ದಾರೆ. ಚಿತ್ರದ ಹಾಡೊಂದಕ್ಕೆ ನಟಿ ತಮನ್ನಾ ಭಾಟಿಯಾ ಹೆಜ್ಜೆ ಹಾಕಿದ್ದು ಚಿತ್ರದ ಆಕರ್ಷಣೆ.