ಯುರೋಪ್: ಭೀಕರ ಮಳೆ, ಗಾಳಿ: 9 ಸಾವು

ಮ್ಯಾಡ್ರಿಡ್‌ (ಸ್ವಿಜರ್ಲೆಂಡ್‌): ಭೀಕರ ಎಲ್ಸಾ ಮತ್ತು ಫ್ಯಾಬಿಯೆನ್‌ ಚಂಡಮಾರುತ, ಅಕ್ಷರಶಃ ಪೋರ್ಚುಗಲ್‌, ಸ್ಪೇನ್‌ ಮತ್ತು ಫ್ರಾನ್ಸ್‌ ದೇಶಗಳಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿದೆೆ. ಬಿರುಮಳೆ, ಬಿರುಗಾಳಿಗೆ ಸಿಲುಕಿದ ಈ ಮೂರು ದೇಶಗಳಲ್ಲಿ 9 ಮಂದಿ ಸಾವನ್ನಪ್ಪಿದ್ದಾರೆ.

1.18 ಲಕ್ಷ ಮನೆಗಳು ವಿದ್ಯುತ್‌ ರಹಿತವಾಗಿವೆ. ಹಲವಾರು ಕಡೆ ವಿದ್ಯುತ್‌ ತಂತಿಗಳು ನೆಲಕ್ಕೆ ಬಿದ್ದಿವೆ. ಮರಗಳು ಬೇರುಸಮೇತ ಕಿತ್ತು ಹೋಗಿವೆ. ರೈಲು ಮತ್ತು ವಿಮಾನ ರದ್ದಾಗಿವೆ. ಪೋರ್ಚುಗಲ್‌ ನಲ್ಲಿ 2, ಸ್ಪೇನ್‌ನಲ್ಲಿ 7 ಮಂದಿ ಸಾವನ್ನಪ್ಪಿದ್ದಾರೆ. ಆರಂಭದಲ್ಲಿ ಎಲ್ಸಾ ಚಂಡಮಾರುತ ಬೀಸಿತ್ತು. ಅದು ದುರ್ಬಲವಾಯಿತು ಎಂದುಕೊಳ್ಳು ವಾಗಲೇ ಫ್ಯಾಬಿಯೆನ್‌ ಬೀಸಿ, ಭಾರೀ ಸಂಕಷ್ಟ ಶುರುವಾಗಿದೆ. ಮೀನುಗಾರರು ಕೊಚ್ಚಿಹೋಗಿದ್ದಾರೆ.