‘ರೋಜಿ ದ ರಾಕೆಟೀರ್‌’ಮಾನವ ರಹಿತ ನೌಕೆ ಗಗನಯಾನದಿಂದ ವಿಮುಖ

ಕೇಪ್‌ಕಾರ್ನಿವಲ್‌: ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ (ಐಎಸ್‌ಎಸ್‌) ಗಗನಯಾತ್ರಿಗಳನ್ನು ಕಳುಹಿಸುವ ವಿಚಾರವಾಗಿ ಪ್ರಯೋಗಗಳನ್ನು ನಡೆಸುತ್ತಿರುವ ಬೋಯಿಂಗ್‌ ಸಂಸ್ಥೆ, ತನ್ನ ಈ ಪ್ರಯತ್ನವೊಂದರಲ್ಲಿ ಹಿನ್ನಡೆ ಕಂಡಿದೆ.

ಫ್ಲೋರಿಡಾದ ಕೇಪ್‌ ಕಾರ್ನಿವಲ್‌ನಿಂದ ಶುಕ್ರವಾರ ಮಧ್ಯಾಹ್ನ ಗಗನಕ್ಕೆ ಚಿಮ್ಮಿದ್ದ, ಬೋಯಿಂಗ್‌ನ ಸ್ಟಾರ್‌ ಲೈನರ್‌ ಮಾದರಿಯಡಿ ಹೊಸದಾಗಿ ರೂಪುಗೊಂಡಿದ್ದ ‘ರೋಜಿ ದ ರಾಕೆಟೀರ್‌’ ಎಂಬ ಮಾನವ ರಹಿತ ನೌಕೆ, 7 ದಿನ ಪ್ರಯಾಣ ಮಾಡಿ ಐಎಸ್‌ಎಸ್‌ ತಲುಪಬೇಕಿತ್ತು.

ಆದರೆ, 2 ದಿನ ಪ್ರಯಾಣದ ಅನಂತರ ನೌಕೆಯ ಸಾಫ್ಟ್ವೇರ್‌ನಲ್ಲಿ ಕೊಂಚ ಸಮಸ್ಯೆ ಉಂಟಾಗಿದ್ದರಿಂದ ಅದನ್ನು ಪುನಃ ಯಶಸ್ವಿಯಾಗಿ ಭೂಮಿಗೆ ಕರೆಯಿಸಿಕೊಳ್ಳಲಾಗಿದೆ.