ಸೋನಿಯಾ ಗಾಂಧಿ 71ನೇ ಹುಟ್ಟುಹಬ್ಬ: ಸ್ಟಾಲಿನ್‌ ಅಭಿನಂದನೆ

ಚೆನ್ನೈ : ಡಿಎಂಕೆ ಕಾರ್ಯಾಧ್ಯಕ್ಷ ಎಂ ಕೆ ಸ್ಟಾಲಿನ್‌ ಅವರಿಂದು ಕಾಂಗ್ರೆಸ್‌ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರನ್ನು ಅವರ 71ನೇ ಹುಟ್ಟುಹಬ್ಬದ ಸಲುವಾಗಿ ಅಭಿನಂದಿಸಿ “ದೇಶದಲ್ಲಿ ಬಹುತ್ವವನ್ನು ರಕ್ಷಿಸುವಲ್ಲಿ ಮತ್ತು ಪ್ರಜಾತಾಂತ್ರಿಕ ಪರಂಪರೆಗಳನ್ನು ಸಂರಕ್ಷಿಸುವಲ್ಲಿ’ ಆಕೆ ನೀಡಿರುವ ಕಾಣಿಕೆಯನ್ನು ಪ್ರಶಂಸಿಸಿದರು.

71ನೇ ಹುಟ್ಟುಹಬ್ಬದ ಈ ಸಂದರ್ಭದಲ್ಲಿ ನಿಮಗೆ ಡಿಎಂಕೆ ಅಧ್ಯಕ್ಷ ಎಂ ಕರುಣಾನಿಧಿ ಮತ್ತು ಡಿಎಂಕೆ ಪರವಾಗಿ ಅಭಿನಂದನೆ ಸಲ್ಲಿಸುತ್ತೇನೆ; ದೀರ್ಘ‌ ಆಯುರಾರೋಗ್ಯದ ಬದುಕು ನಿಮ್ಮದಾಗಲೆಂದು ಹಾರೈಸುತ್ತೇನೆ ಎಂದು ಸ್ಟಾಲಿನ್‌ ಹೇಳಿದ್ದಾರೆ.