ಚಪ್ಪರದಾಂಜನೇಯ ಸ್ವಾಮಿಗೆ ವಿಶೇಷ ಪೂಜೆ

ಶೃಂಗೇರಿ: ಪಟ್ಟಣದ ಶ್ರೀ ಚಪ್ಪರದಾಂಜನೇಯ ಸ್ವಾಮಿ ದೇವಸ್ಥಾನದಲ್ಲಿ ಹನುಮ್ಮಜ್ಜಯಂತಿ ಅಂಗವಾಗಿ ಬುಧವಾರ ವಿಶೇಷ ಪೂಜೆ ನಡೆಯಿತು.

ಬೆಳಗ್ಗೆ ಹನುಮಂತ ದೇವರಿಗೆ ಎಳನೀರು, ಕ್ಷೀರಾಭಿಷೇಕ, ಪಂಚಾಮೃತ ಅಭಿಷೇಕ ನಡೆಯಿತು. ಲೋಕಕಲ್ಯಾಣಾರ್ಥವಾಗಿ ದೇಶಕ್ಕೆ ಒದಗಿ ಬಂದಿರುವ ಕೊರೊನಾ ವೈರಸ್‌ನಿಂದ ಮುಕ್ತಿ ಹೊಂದಲು ಪ್ರಾರ್ಥನೆ ಸಲ್ಲಿಸಲಾಯಿತು. ಅರ್ಚಕ ಕೇಶವಭಟ್‌ ನೇತೃತ್ವದಲ್ಲಿ ಧಾರ್ಮಿಕ ಕೈಂಕರ್ಯಗಳು ನಡೆದವು. ಸೇವಾ ಸಮಿತಿ ಅಧ್ಯಕ್ಷ ಎಚ್‌. ಆರ್‌.ಕೃಷ್ಣಮೂರ್ತಿ ಹೆಗ್ಡೆ, ಸದಸ್ಯರಾದ ಡಿ.ಎನ್‌.ಶಿವಪ್ರಸಾದ್‌, ಬೇಗಾನೆ ಮಂಜುನಾಥ್‌, ಶೈಲಜಾ ರತ್ನಾಕರ ಹೆಗ್ಡೆ, ಸಹನಾ ಕೇಶವ ಭಟ್‌ ಇದ್ದರು.