ಮಳೆ ಪಂದ್ಯದಲ್ಲಿ ಗೆದ್ದು ಸಂಭ್ರಮಿಸಿದ ಶ್ರೀಲಂಕಾ

ಕಾರ್ಡಿಫ್: ಮಳೆಯಿಂದ ತೊಂದರೆ ಗೊಳಗಾದ ಮಂಗಳವಾರದ ವಿಶ್ವಕಪ್‌ ಪಂದ್ಯ ದಲ್ಲಿ ಶ್ರೀಲಂಕಾವು 34 ರನ್ನುಗಳಿಂದ ಅಫ್ಘಾನಿಸ್ಥಾನ ತಂಡವನ್ನು ಸೋಲಿಸಲು ಯಶಸ್ವಿಯಾಗಿದೆ.

ಮೊದಲು ಬ್ಯಾಟಿಂಗ್‌ ಮಾಡಿದ ಶ್ರೀಲಂಕಾ ತಂಡವು 33 ಓವರ್‌ ಮುಗಿದಾಗ ಮಳೆ ಸುರಿ ಯಿತು. ಆಗ ಶ್ರೀಲಂಕಾ 8 ವಿಕೆಟಿಗೆ 180 ರನ್‌ ಗಳಿಸಿತ್ತು. ಮಳೆಯಿಂದ ಒಂದೂವರೆ ತಾಸು ಆಟ ನಷ್ಟವಾಯಿತು. ಹೀಗಾಗಿ ಓವರ್‌ ಸಂಖ್ಯೆಯನ್ನು 41ಕ್ಕೆ ಇಳಿಸಲಾಗಿತ್ತು. ಮೊಹಮ್ಮದ್‌ ನಬಿ ಮತ್ತು ರಶೀದ್‌ ಖಾನ್‌ ಅವರ ನಿಖರ ದಾಳಿಗೆ ಕುಸಿದ ಶ್ರೀಲಂಕಾ ತಂಡವು 36.5 ಓವರ್‌ಗಳಲ್ಲಿ 201 ರನ್ನಿಗೆ ಆಲೌಟಾಯಿತು.

ಮಳೆ ಮತ್ತು ಡಕ್‌ವರ್ತ್‌ ಲೂಯಿಸ್‌ ನಿಯಮದಡಿ ಅಫ್ಘಾನಿಸ್ಥಾನ ತಂಡವು 41 ಓವರ್‌ಗಳಲ್ಲಿ 187 ರನ್‌ ಗಳಿಸುವ ಗುರಿ ಪಡೆಯಿತು. ಆದರೆ ನುವಾನ್‌ ಪ್ರದೀಪ್‌ ಮತ್ತು ಲಸಿತ ಮಾಲಿಂಗ ದಾಳಿಗೆ ಕುಸಿದ ಅಘ್ಗಾನಿಸ್ಥಾನವು 32.4 ಓವರ್‌ಗಳಲ್ಲಿ 152 ರನ್ನಿಗೆ ಆಲೌಟಾಗಿ ಶರಣಾಯಿತು.

ಕುಸಲ್ ಪೆರೆರ ಅರ್ಧಶತಕ

ಅಫ್ಘಾನಿಸ್ಥಾನ ವಿರುದ್ಧ ಬೃಹತ್‌ ಮೊತ್ತ ಪೇರಿಸುವ ಉದ್ದೇಶದಿಂದ ಶ್ರೀಲಂಕಾ ಉತ್ತಮ ವಾಗಿ ಆಟ ಆರಂಭಿಸಿತು. ಆರಂಭಿಕರಾದ ದಿಮುತ್‌ ಕರುಣರತ್ನೆ ಮಕೊಹ್ಲಿ ಪಡೆ ಬೆಂಬಲಿಸಿದ ಜರ್ಮನ್‌ ಫ‌ುಟ್ಬಾಲ್ ತಾರೆತ್ತು ಕುಸಲ್ ಪೆರೆರ ಅಮೋಘವಾಗಿ ಆಡಿ ಅಘ್ಗಾನ್‌ ದಾಳಿಯನ್ನು ಪುಡಿಗಟ್ಟಿದರು. ಬಿರುಸಿನ ಆಟವಾಡಿದ ಅವರಿಬ್ಬರು 13.1 ಓವರ್‌ಗಳಲ್ಲಿ 92 ರನ್‌ ಪೇರಿಸಿ ಬೇರ್ಪಟ್ಟರು.

ಕರುಣರತ್ನೆ ಔಟಾದ ಬಳಿಕ ಪೆರೆರ ಅವ ರನ್ನು ಸೇರಿಕೊಂಡ ಲಹಿರು ತಿರಿಮನ್ನೆ ಕೂಡ ವೇಗವಾಗಿ ರನ್‌ ಪೇರಿಸತೊಡಗಿದರು. ಇವರಿಬ್ಬರ ರನ್‌ವೇಗವನ್ನು ಗಮನಿಸಿದಾಗ ಶ್ರೀಲಂಕಾದ ಮೊತ್ತ 300ರ ಗಡಿ ದಾಟಬಹು ದೆಂದು ಭಾವಿಸಲಾಗಿತ್ತು.

ನಾಟಕೀಯ ಕುಸಿತ

ತಿರುಮನ್ನೆ ಔಟಾಗುತ್ತಲೇ ಲಂಕಾದ ಕುಸಿತ ಮೊದಲ್ಗೊಂಡಿತು. 144ರ ಮೊತ್ತಕ್ಕೆ ಎರಡನೇ ವಿಕೆಟ್ ಉರುಳಿತ್ತು. ಮೊತ್ತ 180 ತಲುಪಿದಾಗ ಶ್ರೀಲಂಕಾ 8 ವಿಕೆಟ್ ಕಳೆದುಕೊಂಡು ಒದ್ದಾಡುತ್ತಿತ್ತು. ವಿಕೆಟ್‌ನ ಒಂದು ಕಡೆ ಆಸರೆಯಾಗಿ ನಿಂತಿದ್ದ ಪೆರೆರ 78 ರನ್‌ ಗಳಿಸಿ ಎಂಟನೆಯವರಾಗಿ ಔಟಾಗಿದ್ದರು. 81 ಎಸೆತ ಎದುರಿಸಿದ್ದ ಅವರು 8 ಬೌಂಡರಿ ಬಾರಿಸಿದ್ದರು.