ಸ್ಫೋಟಕ್ಕೆ ಬೆದರಿದ ಶ್ರೀಲಂಕಾದಲ್ಲಿ ಈಗ ಕತ್ತಿ, ಚಾಕುಗಳೂ ವಶಕ್ಕೆ!

ಕೊಲೊಂಬೋ: ಈಸ್ಟರ್‌ ಹಬ್ಬದ ದಿನದ ನಡೆದ ಭೀಕರ ಬಾಂಬ್‌ ದಾಳಿಗೆ ಬೆಚ್ಚಿ ಬಿದ್ದಿರುವ ಶ್ರೀಲಂಕಾ ದೇಶಾದ್ಯಂತ ವಿಪರೀತ ಭದ್ರತೆಗೆ ಮುಂದಾಗಿದೆ. ಆದರೆ ವಿಚಿತ್ರ ಆದೇಶ ವೊಂದನ್ನು ಹೊರಡಿಸುವ ಶ್ರೀಲಂಕಾ ಅಧಿಕಾರಿಗಳು, ಜನಸಾಮಾನ್ಯರ ಬಳಿ ಇರುವ ಖಡ್ಗ, ದೊಡ್ಡ ಚಾಕುಗಳನ್ನೂ ವಶಪಡಿಸಿ ಕೊಳ್ಳಲು ನಿರ್ಧರಿಸಿದ್ದಾರೆ. ಈ ಸಂಬಂಧ ಆದೇಶ ಹೊರಡಿಸಿರುವ ಶ್ರೀಲಂಕಾ ಪೊಲೀಸ್‌ ಇಲಾಖೆ, ಅವುಗಳನ್ನು ಸಮೀಪದ ಪೊಲೀಸ್‌ ಸ್ಟೇಷನ್‌ಗೆ ಒಪ್ಪಿಸುವಂತೆ ಸೂಚಿಸಿದೆ.

ಅಷ್ಟೇ ಅಲ್ಲ, ರವಿವಾರ ಶಾಲೆಯ ಬಳಿ ಯಾವುದೇ ವಾಹನವನ್ನು ನಿಲ್ಲಿಸದಂತೆಯೂ ನಾಗರಿಕರಿಗೆ ಸೂಚಿಸಲಾಗಿದ್ದು, ಈ ಭಾಗದಲ್ಲಿ ರವಿವಾರಶೋಧ ಕಾರ್ಯ ನಡೆಯಲಿದೆ ಎಂದಿದೆ. ದಾಳಿ ನಡೆದ ಅನಂತರದಲ್ಲಿ ದೇಶದ ಹಲವೆಡೆ ಶೋಧ ಕಾರ್ಯ ನಡೆಸಿದಾಗ ಭಾರಿ ಸ್ಫೋಟಕ, ಶಸ್ತ್ರಾಸ್ತ್ರಗಳನ್ನು ಜಪ್ತಿ ಮಾಡಲಾಗಿದೆ.

ಟಿವಿ ಮೂಲಕ ಪ್ರಾರ್ಥನೆ: ಈಸ್ಟರ್‌ಸ್ಫೋಟದಿಂ ದಾಗಿ ಇನ್ನೂ ಕ್ರೈಸ್ತರು ಚರ್ಚ್‌ಗೆ ಹೋಗಲು ಹೆದರುತ್ತಿದ್ದು, ರವಿವಾರಮನೆಯಲ್ಲೇ ಕುಳಿತು ಪ್ರಾರ್ಥನೆ ನಡೆಸಿದರು. ಕೊಲಂಬೋದ ಪಾದ್ರಿ ಕಾರ್ಡಿನಲ್ ಮಾಲ್ಕಂ ರಂಜಿತ್‌ ಪ್ರಾರ್ಥನೆ ಯನ್ನು ಟಿವಿಯಲ್ಲಿ ಪ್ರಸಾರ ಮಾಡಲಾಗಿದೆ.