ಮಾಜಿ ಅಟಾರ್ನಿ ಜನರಲ್‌ ತಿಲಕ್‌ ಮರಪೋನಾ ಲಂಕೆಯ ನೂತನ ವಿದೇಶ ಸಚಿವ

ಕೊಲಂಬೋ : ಮಾಜಿ ಅಟಾರ್ನಿ ಜನರಲ್‌ ತಿಲಕ್‌ ಮರಪೋನಾ ಅವರನ್ನು ಲಂಕಾ ಸರಕಾರ ತನ್ನ ಹೊಸ ವಿದೇಶ ಸಚಿವರನ್ನಾಗಿ ನೇಮಿಸಿದೆ.

ಮರಪೋನಾ ಅವರು ರವಿ ಕರುಣನಾಯಕೆ ಅವರ ಉತ್ತರಾಧಿಕಾರಿಯಾಗಿದ್ದಾರೆ. ಕರುಣನಾಯಕೆ ಅವರು ಭ್ರಷ್ಟಾಚಾರ ಹಗರಣ ಸಿಲುಕಿಕೊಂಡ ಕಾರಣಕ್ಕೆ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದರು. 

ಮರಪೋನಾ ಅವರು ಪ್ರಧಾನಿ ರಣಿಲ್‌ ವಿಕ್ರಮಸಿಂಘೆ ಅವರ ಹಿರಿಯ ನಿಕಟವರ್ತಿ ಮತ್ತು ವಕೀಲ; 1994ರಲ್ಲಿ ಇವರು ದೇಶದ ಅಟಾರ್ನಿ ಜನರಲ್‌ ಆಗಿದ್ದರು.

ನೂತನ ವಿದೇಶ ಸಚಿವ ಮರಪೋನಾ ಅವರಿಗೆ ರಾಷ್ಟ್ರಾಧ್ಯಕ್ಷ ಮೈತ್ರಿಪಾಲ ಸಿರಿಸೇನ ಅವರು ಪ್ರಮಾಣ ವಚನ ಬೋಧಿಸಿದರು.