Dharmasthala Mela: ಪ್ರಥಮ ಸೇವೆಯಾಟ

ಬೆಳ್ತಂಗಡಿ: ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕೃಪಾಪೋಷಿತ ಯಕ್ಷಗಾನ ಮಂಡಳಿಯ ಪ್ರಸಕ್ತ ಸಾಲಿನ ತಿರುಗಾಟ ಪ್ರಯುಕ್ತ ನ.19ರಂದು ಶ್ರೀ ಕ್ಷೇತ್ರದ ಶ್ರೀ ಛತ್ರಗಣಪತಿ ಸನ್ನಿಧಿಯಲ್ಲಿ ರಾತ್ರಿ ಗಣಪತಿ ಪೂಜೆ ನಡೆದು ಅಮೃತವರ್ಷಿಣಿ ಸಭಾಭವನದಲ್ಲಿ ಪ್ರಥಮ ಸೇವೆಯಾಟ ಪ್ರದರ್ಶನ ನಡೆಯಿತು.

ಪ್ರತಿದಿನ ರಾತ್ರಿ ಕ್ಷೇತ್ರದ ಸೇವೆಯಾಟ ಮತ್ತು ಸೇವಾಕರ್ತರ ಹರಕೆಯ ಸೇವೆಯಾಟ ನಡೆಯಲಿದೆ. ಡಿ. 2ರಂದು ಶ್ರೀ ಛತ್ರಗಣಪತಿ ಸನ್ನಿಧಿಯಲ್ಲಿ ಪೂರ್ವಾಹ್ನ ಧರ್ಮಾಧಿಕಾರಿ ಡಾ| ಡಿ.ವೀರೇಂದ್ರ ಹೆಗ್ಗಡೆಯವರು ಹಾಗೂ ಮೇಳದ ಯಜಮಾನ ಡಿ. ಹಷೇìಂದ್ರ ಕುಮಾರ್‌ ಮತ್ತು ಕಲಾವಿದರ ಉಪಸ್ಥಿತಿಯಲ್ಲಿ ಪ್ರಾರ್ಥಿಸಿ, ಮೇಳದ ಯಾತ್ರೆ ಹೊರಡಲಿದೆ.

ಮಣೆಗಾರರ ಮನೆಯಲ್ಲಿ ಮಧ್ಯಾಹ್ನ ಪೂಜೆ ನಡೆದು, ಸಂಜೆ ಶ್ರೀ ಮಹಾಗಣಪತಿ ದೇವರು ಪುಂಜಾಲಕಟ್ಟೆಯ ಸೇವಾ ಬಯಲಾಟಕ್ಕೆ ತೆರಳುವ ಮೂಲಕ ಪ್ರಸಕ್ತ ಸಾಲಿನ ಯಕ್ಷಗಾನ ಮೇಳದ ತಿರುಗಾಟ ಪ್ರಾರಭವಾಗಲಿದೆ.