ಕ್ರೀಡಾ ಭಾರತಿಯ ನಿಯಾಮಕ ಮಂಡಳಿ ಕಾರ್ಯಕಾರಿಣಿ ಬೈಠಕ್‌ಗೆ ಚಾಲನೆ

ಮಹಾನಗರ : ಸಂಘ ನಿಕೇತನದಲ್ಲಿ ಶುಕ್ರವಾರದಿಂದ ಮೂರು ದಿನಗಳ ಕಾಲ ನಡೆಯುವ ಕ್ರೀಡಾ ಭಾರತಿಯ ನಿಯಾಮಕ ಮಂಡಳಿ ಹಾಗೂ ಕಾರ್ಯಕಾರಿಣಿ ಬೈಠಕ್‌ಗೆ ಮುಖ್ಯ ಅತಿಥಿಗಳಾಗಿ ಕ್ರೀಡಾಭಾರತಿಯ ಅಖಿಲ ಭಾರತೀಯ ಕಾರ್ಯಾಧ್ಯಕ್ಷ ಹಾಗೂ ಮಧ್ಯಪ್ರದೇಶದ ಶಾಸಕ ಚೇತನ್‌ ಕಶ್ಯಪ್‌ ಆಗಮಿಸಿದ್ದಾರೆ.

ಕ್ರೀಡಾಭಾರತಿ ಮಂಗಳೂರು ವಿಭಾಗದ ಪರವಾಗಿ ಅವರನ್ನು ಸ್ವಾಗತಿಸಲಾಯಿತು. ಇದೇ ವೇಳೆ ಕ್ರೀಡಾ ಭಾರತಿಯ ಪ್ರಮುಖರಾದ ಬೋಜರಾಜ್‌ ಕಲ್ಲಡ್ಕ, ಕೃಷ್ಣ ಶೆಟ್ಟಿ ತಾರೆಮಾರು, ಪ್ರಮೋದ್‌ ಅರಿಗ, ಕಾರ್ಯಪ್ಪ ರೈ, ಫ್ರಾಂಕ್ಲಿನ್‌ ಮೊಂತೆರೊ, ಹರೀಶ್‌ ರೈ, ಕೃಷ್ಣಾ ಶೆಣೈ, ಸೇವಂತಿ, ಮಮತಾ, ಜಯಶ್ರೀ ಚೇತನ್‌, ಚಂಚಲಾಕ್ಷಿ ಕುಲಾಲ್‌ ಮುಂತಾದವರು ಇದ್ದರು.

ಮೂರು ದಿನಗಳ ವರೆಗೆ ನಡೆಯುವ ಬೈಠಕ್‌ನಲ್ಲಿ ಕ್ರೀಡಾಭಾರತಿ ವಿವಿಧ ರಾಜ್ಯಗಳ ಸುಮಾರು 300ಕ್ಕೂ ಹೆಚ್ಚು ಮಂದಿ ಕಾರ್ಯರ್ತರು ಆಗಮಿಸಲಿದ್ದಾರೆ.