ಸಕ್ಕರೆ ಬದಲಿಗೆ ಜೇನು: ಸಚಿವ ನಿತಿನ್‌ ಗಡ್ಕರಿ

ಪುಣೆ: ವಿಮಾನದಲ್ಲಿ ಪ್ರಯಾಣಿಕರಿಗೆ ಚಹಾ ಅಥವಾ ಕಾಫಿಯಲ್ಲಿ ಬೆರೆಸಲು ನೀಡಲಾಗುವ ಸಕ್ಕರೆಯ ಬದಲಿಗೆ ಜೇನು ತುಪ್ಪದ ಪುಟ್ಟ ಸ್ಯಾಶೆಗಳನ್ನು ನೀಡುವಂತೆ ದೇಶದ ಎಲ್ಲಾ ವಿಮಾನ ಸೇವಾ ಸಂಸ್ಥೆಗಳಿಗೆ ಮನವಿ ಮಾಡುವುದಾಗಿ ಸಚಿವ ನಿತಿನ್‌ ಗಡ್ಕರಿ ತಿಳಿಸಿದ್ದಾರೆ.

ಕೇಂದ್ರ ಜೇನು ಸಂಶೋಧನೆ ಹಾಗೂ ತರಬೇತಿ ಕೇಂದ್ರದಲ್ಲಿ (ಸಿಬಿಆರ್‌ಟಿಐ) ಆಯೋಜಿಸಲಾಗಿದ್ದ ಸಮಾರಂಭವೊಂದರಲ್ಲಿ ಮಾತನಾಡಿದ ಅವರು, ‘ಸಾಮಾನ್ಯವಾಗಿ ಒಂದು ಚಮಚ ಜೇನುತುಪ್ಪ ಮೂರು ಚಮಚ ಸಕ್ಕರೆಗೆ ಸಮ. ಸದ್ಯಕ್ಕೆ ವಿಮಾನಗಳಲ್ಲಿ ಪ್ರಯಾಣಿಕರಿಗೆ ನೀಡಲಾಗುವ ಚಹಾ, ಕಾಫಿಗಳಲ್ಲಿ ಬೆರೆ ಸಲು ಸಕ್ಕರೆಯ ಸ್ಯಾಶೆಗಳನ್ನು ನೀಡಲಾಗುತ್ತಿದೆ.

ಹೀಗೆ, ಸಕ್ಕರೆಯ ಬದಲು ಜೇನು ತುಪ್ಪದ ಸ್ಯಾಶೆಯನ್ನೂ ಬಳಸಬೇಕೆಂದು ದೇಶದ ಎಲ್ಲಾ ವೈಮಾನಿಕ ಸೇವಾ ಸಂಸ್ಥೆಗಳಿಗೆ ಕೋರು ತ್ತೇನೆ. ಖಾದಿ ಗ್ರಾಮೋದ್ಯೋಗ ಆಯುಕ್ತರಿಗೂ ಈ ಬಗ್ಗೆ ಕೈ ಜೋಡಿಸುವಂತೆ ಕೇಳಿಕೊಳ್ಳುತ್ತೇನೆ” ಎಂದರು.