ಮಳೆಗಾಗಿ ಮುಸ್ಲಿಮರಿಂದ ವಿಶೇಷ ಪ್ರಾರ್ಥನೆ

ದಾವಣಗೆರೆ: ಸತತ ಮೂರು ವರ್ಷಗಳ ಬರಗಾಲ, ಎಲ್ಲೆಡೆ ಕುಡಿಯುವ ನೀರಿಗಾಗಿ ಹಾಹಾಕಾರದ ಹಿನ್ನೆಲೆಯಲ್ಲಿ ನಗರದ ತಂಜಿಮುಲ್‌ ಮುಸ್ಲಿಮೀನ್‌ ಫಂಡ್‌ ಅಸೋಸಿಯೇಷನ್‌ ವತಿಯಿಂದ ಶುಕ್ರವಾರ ಪಾದಯಾತ್ರೆ ನಡೆಸಿ, ಖಬರ್‌ಸ್ತಾನದಲ್ಲಿ ವಿಶೇಷ ಪ್ರಾರ್ಥನೆ ಸಲ್ಲಿಸಲಾಯಿತು. 

ತಂಜಿಮುಲ್‌ ಮುಸ್ಲಿಮೀನ್‌ ಫಂಡ್‌ ಅಸೋಸಿಯೇಷನ್‌ನ ಪದಾಧಿಕಾರಿಗಳು ಮಧ್ಯಾಹ್ನ  ಅಹಮದ್‌ ನಗರದ ಮದೀನಾ ಆಟೋ ನಿಲ್ದಾಣದ ಬಳಿಯಿಂದ ಬರಿಗಾಲಲ್ಲಿ ಪಾದಯಾತ್ರೆ ಆರಂಭಿಸಿ, ಚಾಮರಾಜ ಪೇಟೆ, ಮಂಡಿಪೇಟೆ, ಪಿಬಿ ರಸ್ತೆ ಮೂಲಕ ವಿನೋಬ ನಗರದ ಬಳಿಯ ಪಿಬಿ ರಸ್ತೆಯ ಪಕ್ಕದ ಖಬರ್‌ ಸ್ತಾನ್‌ ತಲುಪಿದರು. 

ಧರ್ಮಗುರುಗಳು, ನಗರದ ಎಲ್ಲಾ ಮೌಲ್ವಿಗಳು, ಅಸೋಸಿಯೇಷನ್‌ ನ ಪದಾಧಿಕಾರಿಗಳು, ಸಮಾಜ ಬಾಂಧವರು ಶರೀಯತ್‌ ಕಾನೂನು ಅನ್ವಯ ವಿವಿಧ ರೀತಿಯಲ್ಲಿ ಮಳೆಗಾಗಿ ದೇವರಲ್ಲಿ ಪ್ರಾರ್ಥಿಸಿದರು. ವಿಧಾನ ಪರಿಷತ್‌ ಸದಸ್ಯ ಅಬ್ದುಲ್‌ ಕೆ. ಜಬ್ಟಾರ್‌, ತಂಜಿಮುಲ್‌ ಮುಸ್ಲಿಮೀನ್‌ ಫಂಡ್‌ ಅಸೋಸಿಯೇಷನ್‌ ಅಧ್ಯಕ್ಷ ಸಾಧಿಕ್‌ ಪೈಲ್ವಾನ್‌,

ದೂಡಾ ಮಾಜಿ ಅಧ್ಯಕ್ಷ ಆಯೂಬ್‌ ಪೈಲ್ವಾನ್‌, ಮುಖಂಡರಾದ ಸೈಯದ್‌ ಸೈಫುಲ್ಲಾ,  ಜೆ. ಅಮಾನುಲ್ಲಾ ಖಾನ್‌,ಅಮ್ಜದ್‌ ಆಲಿ, ಕೆ.ಎಚ್‌. ಮೆಹಬೂಬ್‌ ಬಾಷ, ವೈ.ಎಂ. ಫಕೃದೀªನ್‌, ಧರ್ಮಗುರು ಹನೀಫ್‌ ಮೌಲಾನ ಇತರರು ಈ ವಿಶೇಷ ಪ್ರಾರ್ಥನೆಯಲ್ಲಿ ಭಾಗಿಯಾದರು.