Advertisement
ವಿಧಾನಸೌಧದ ಆವರಣದಲ್ಲಿ ಸೋಮವಾರ ಪ್ರತಿಕ್ರಿಯಿಸಿದ ಡಿ.ಕೆ. ಶಿವಕುಮಾರ್‌, ಸಂವಿಧಾನದ ಶೆಡ್ಯೂಲ್ 10ರ ಪ್ರಕಾರ ಅಭಿಪ್ರಾಯ ನೀಡುವಂತೆ ಸ್ಪೀಕರ್‌ ನೋಟಿಸ್‌ ನೀಡಿದ್ದಾರೆ. ನಿಮಗೆ ಸಚಿವರಾಗಲು ಆಸೆಯಿದೆ. ಅದಕ್ಕಾಗಿ ಬಿಜೆಪಿಗೆ ಅನುಕೂಲ ಮಾಡಿ ಕೊಡುತ್ತಿದ್ದೀರಿ. ಆದರೆ ನೀವು ಸದಸ್ಯತ್ವ ಕಳೆದುಕೊಳ್ಳ ಲಿದ್ದೀರಿ. ಸಂವಿಧಾನದ ವಿಧಿ 164 (ಐ)(3)ರ ಪ್ರಕಾರ ಅದಕ್ಕೆ ಅವಕಾಶವಿದೆ ಎಂದು ಹೇಳಿದರು.
ವಿಶ್ವಾಸಮತ ನಿರ್ಣಯ ಮತಕ್ಕೆ ಹಾಕುವ ಸಂಬಂಧ ಚರ್ಚೆಯಲ್ಲೇ ಕಾಲ ತಳ್ಳಲಾಗುತ್ತಿದೆ ಎಂದು ಬಿಜೆಪಿಯ ಮಾಧುಸ್ವಾಮಿ ಹಲವಾರು ಬಾರಿ ಅಸಮಾಧಾನ ಹೊರಹಾಕಿದರು. ಸ್ಪೀಕರ್‌ ಅವರನ್ನು ಕುರಿತು, ನೀವು ಆ ಸ್ಥಾನದಲ್ಲಿದ್ದಾಗ ಇಂತಹ ಬೆಳವಣಿಗೆ ನಡೆಯುವುದು ಸರಿಯಲ್ಲ. ದಯವಿಟ್ಟು ಸದನದ ಗೌರವ ಉಳಿಸಿ ಎಂದು ಮನವಿ ಮಾಡಿದರು. ಇದಕ್ಕೆ ಆಕ್ರೋಶಗೊಂಡ ಕುಮಾರಸ್ವಾಮಿ, ಸದನದ ಗೌರವ ಏನಾಗಿದೆ. ನೀವು 15 ದಿನಗಳಿಂದ ಏನೆಲ್ಲ ಡ್ರಾಮಾ ಮಾಡುತ್ತಿದ್ದೀರಿ ಎಂದು ಗೊತ್ತಿದೆ ಎಂದು ಗರಂ ಆದರು.