ಅಂತರ್‌ ವಲಯ ಟಿ20: ಮಾಯಾಂಕ್‌ ನೇತೃತ್ವದ ದಕ್ಷಿಣ ವಲಯಕ್ಕೆ ಜಯ

ಮುಂಬೈ: ಕನ್ನಡಿಗ ಮಾಯಾಂಕ್‌ ಅಗರ್‌ವಾಲ್‌ ಸ್ಫೋಟಕ ಬ್ಯಾಟಿಂಗ್‌ ನೆರವಿನಿಂದ ದಕ್ಷಿಣ ವಲಯ ತಂಡ ಅಂತರ್‌ ವಲಯ ಟಿ20 ಟೂರ್ನಿಯಲ್ಲಿ ಪಶ್ಚಿಮ ವಲಯದ ವಿರುದ್ಧ 5 ವಿಕೆಟ್‌ ಜಯ ಸಾಧಿಸಿದೆ. 

ಇಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಪಶ್ಚಿಮ ವಲಯ ನಿಗದಿತ 20 ಓವರ್‌ಗೆ 9 ವಿಕೆಟ್‌ ಕಳೆದುಕೊಂಡು 140 ರನ್‌ ಬಾರಿಸಿತ್ತು. ತಂಡದ ಪರ ದೀಪಕ್‌ ಹೂಡಾ (32), ಅದಿತ್ಯ ತಾರೆ (26), ಇರ್ಫಾನ್‌ ಪಠಾಣ್‌ (26) ಹೆಚ್ಚು ರನ್‌ ಬಾರಿಸಿದರು. ದಕ್ಷಿಣ ವಲಯ ಪರ ಚಾಮಾ ಮಿಲಿಂದ್‌ 3 ವಿಕೆಟ್‌ ಪಡೆದರೆ, ರಾಹಿಲ್‌ ಶಾಹ, ಮುರುಗನ್‌ ಅಶ್ವಿ‌ನ್‌, ವಿಜಯ್‌ ಶಂಕರ್‌ ತಲಾ 2 ವಿಕೆಟ್‌ ಪಡೆದರು. ಗುರಿ ಬೆನ್ನುಹತ್ತಿದ ದಕ್ಷಿಣ ವಲಯ 17.4 ಓವರ್‌ನಲ್ಲಿ 5 ವಿಕೆಟ್‌ ಕಳೆದುಕೊಂಡು ಜಯಸಾಧಿಸಿತು. ಮಾಯಾಂಕ್‌ ಅಗರ್‌ವಾಲ್‌ (70) ಸ್ಫೋಟಕ ಬ್ಯಾಟಿಂಗ್‌ ಪ್ರದರ್ಶಿಸಿದರು. ಉಳಿದಂತೆ ವಿಷ್ಣು ವಿನೋದ್‌ (36) ಅಲ್ಪ ಕಾಣಿಕೆ ನೀಡಿದರು.

ಸಂಕ್ಷಿಪ್ತ ಸ್ಕೋರ್‌: ಪಶ್ಚಿಮ ವಲಯ 20 ಓವರ್‌ಗೆ 140/9 (ದೀಪಕ್‌ ಹೂಡಾ 32, ಆದಿತ್ಯ ತಾರೆ 26, ಇರ್ಫಾನ್‌ 26, ಚಾಮ ಮಿಲಿಂದ್‌ 41ಕ್ಕೆ 3), ದಕ್ಷಿಣ ವಲಯ 17.4 ಓವರ್‌ಗೆ 141 (ಮಾಯಾಂಕ್‌ 70, ವಿನೋದ್‌ 36, ಇರ್ಫಾನ್‌ ಪಠಾಣ್‌ 22ಕ್ಕೆ 1).