ದ.ಆಫ್ರಿಕಾಕ್ಕೆ ಮಾರ್ಕ್‌ ಬೌಷರ್‌ ಕೋಚ್‌

ಜೊಹಾನ್ಸ್‌ಬರ್ಗ್‌: ತೀವ್ರ ಆಂತರಿಕ ಬಿಕ್ಕಟ್ಟಿನಿಂದ ನರಳುತ್ತಿರುವ ದಕ್ಷಿಣ ಆಫ್ರಿಕಾ ಕ್ರಿಕೆಟ್‌ ತಂಡದ ಮಧ್ಯಾಂತರ ತರಬೇತುದಾರರನ್ನಾಗಿ ಮಾಜಿ ಕೀಪರ್‌ ಮಾರ್ಕ್‌ ಬೌಷರ್‌ ಅವರನ್ನು ನೇಮಿಸಲಾಗಿದೆ.

ಕ್ರಿಕೆಟ್‌ ಮಂಡಳಿಯ ನಿರ್ದೇಶಕರಾಗಿ ಗ್ರೇಮ್‌ ಸ್ಮಿತ್‌ ಅಧಿಕಾರ ವಹಿಸಿಕೊಂಡ ಬೆನ್ನಲ್ಲೇ ಈ ಬೆಳವಣಿಗೆ ಸಂಭವಿಸಿದೆ. ಇದುವರೆಗೆ ತಂಡದ ನಿರ್ದೇಶಕರಾಗಿದ್ದ ಎನೊಕ್‌ ಎನ್‌ಕ್ವೆ ಈ ಸ್ಥಾನದಲ್ಲಿ ಮುಂದುವರಿಯಲಿದ್ದಾರೆ. ಮಾಜಿ ಆಲ್‌ರೌಂಡರ್‌ ಜಾಕಸ್‌ ಕಾಲಿಸ್‌ ಬ್ಯಾಟಿಂಗ್‌ ತರಬೇತುದಾರರಾಗಿ ನೇಮಕಗೊಂಡಿದ್ದಾರೆ.