“ಯಾವ ಹುದ್ದೆಯೂ ಶಾಶ್ವತವಲ್ಲ’ʼ : ಮೌನ ಮುರಿದ ಸೌರವ್‌ ಗಂಗೂಲಿ

ಕೋಲ್ಕತಾ: ಬಿಸಿಸಿಐ ಸಂವಿಧಾನ ತಿದ್ದುಪಡಿ ಹೊರತಾಗಿಯೂ ಅಧ್ಯಕ್ಷ ಸ್ಥಾನದಲ್ಲಿ ಮುಂದುವರಿಯಲು ಸೌರವ್‌ ಗಂಗೂಲಿಗೆ ಸಾಧ್ಯವಾಗುತ್ತಿಲ್ಲ ಎಂಬುದು ಗುಟ್ಟೇನಲ್ಲ. ಬಿಸಿಸಿಐ ನೂತನ ಅಧ್ಯಕ್ಷರ ಕುರಿತ ಊಹಾಪೋಹಗಳಿಗೆ ಸ್ವತಃ ಗಂಗೂಲಿಯೇ ಸ್ಪಷ್ಟನೆ ನೀಡಿದ್ದು, ಯಾವ ಹುದ್ದೆಯೂ ಶಾಶ್ವತವಲ್ಲ ಎಂದಿದ್ದಾರೆ.

“ನಾನು ಆಡಳಿತಗಾರನಾಗಿ ಸುದೀರ್ಘ‌ ಇನ್ನಿಂಗ್ಸ್‌ ಆಡಿದ್ದೇನೆ. ಈಗ ಬೇರೆ ಕೆಲಸಗಳತ್ತ ಗಮನ ಹರಿಸಬೇಕಿದೆ. ಯಾರೇ ಆದರೂ ಶಾಶ್ವತವಾಗಿ ಆಟಗಾರನಾಗಿರಲು, ಆಡಳಿತಗಾರನಾಗಿರಲು ಸಾಧ್ಯವಿಲ್ಲ. ಈ ಎರಡೂ ಕೆಲಸಗಳನ್ನು ನಾನು ಅಚ್ಚುಕಟ್ಟಾಗಿ ನಿರ್ವಹಿಸಿದ್ದೇನೆ’ ಎಂದರು.

ಸೌರವ್‌ ಗಂಗೂಲಿ ದ್ವಿತೀಯ ಅವಧಿಗೆ ಬಿಸಿಸಿಐ ಅಧ್ಯಕ್ಷ ಹುದ್ದೆಯಲ್ಲಿ ಮುಂದುವರಿಯುವುದಕ್ಕೆ ಕೆಲವು ರಾಜ್ಯ ಮಂಡಳಿಗಳು ಆಕ್ಷೇಪ ವ್ಯಕ್ತಪಡಿಸಿದ್ದವು. ಕೆಲವು ಮಾಜಿ ಕ್ರಿಕೆಟಿಗರೂ ಇದನ್ನು ವಿರೋಧಿಸಿದ್ದರು.