ಶೀಘ್ರದಲ್ಲೇ ಭುಟಿಯ ಸಿನಿಮಾ ತೆರೆಗೆ

ಮುಂಬಯಿ: ಭಾರತ ಫ‌ುಟ್‌ಬಾಲ್‌ ದಂತಕತೆ ಬೈಚುಂಗ್‌ ಭುಟಿಯ ಜೀವನಾಧಾರಿತ ಸಿನಿಮಾ ಶೀಘ್ರದಲ್ಲೇ ಸೆಟ್‌ ಏರಲಿದೆ. ಕ್ರೀಡಾ ಕಲಿಗಳಾದ ಮಿಲಾV ಸಿಂಗ್‌, ಪಾನ್‌ ಸಿಂಗ್‌ ತೋಮರ್‌, ಮೇರಿ ಕೋಮ್‌, ಮಹೇಂದ್ರ ಸಿಂಗ್‌ ಧೋನಿ ಅವರ ಜೀವನಕತೆಗಳ ಸಿನಿಮಾ ಸಾಲಿಗೆ ಫ‌ುಟ್ಬಾಲಿಗ ಭುಟಿಯಾ ಕತೆಯೂ ಸೇರಿಕೊಳ್ಳಲಿದೆ.

ಬಾಲಿವುಡ್‌ನ‌ ಖ್ಯಾತ ತಾರೆಯೊಬ್ಬರು ಭುಟಿಯಾ ಪಾತ್ರವನ್ನು ನಿರ್ವಹಿಸಲಿದ್ದಾರೆ ಎನ್ನಲಾಗಿದೆ. ಖ್ಯಾತ ಬಾಲಿವುಡ್‌ ನಿರ್ದೇಶಕ ಆನಂದ್‌ ಕುಮಾರ್‌ ನಿರ್ದೇಶನ ಮಾಡಲಿದ್ದಾರೆ. “ಆನಂದ್‌ ನನ್ನ ಸಿನಿಮಾಕ್ಕೆ ಜೀವ ತುಂಬಲಿದ್ದಾರೆ ಎನ್ನುವ ಭರವಸೆ ಇದೆ. ಮುಂಬರುವ ಪೀಳಿಗೆಗೆ ನನ್ನ ಕತೆ ಸ್ಫೂರ್ತಿಯಾಗುತ್ತದೆ ಎಂದು ಭಾವಿಸಿದ್ದೇನೆ’ ಎಂದು ಭುಟಿಯ ತಿಳಿಸಿದ್ದಾರೆ.

ಖ್ಯಾತ ಕ್ರೀಡಾ ತಾರೆಗಳಾದ ಪಿ.ಟಿ. ಉಷಾ, ಮಿಥಾಲಿ ರಾಜ್‌, ಸೈನಾ ನೆಹ್ವಾಲ್‌, ಪಿ.ವಿ. ಸಿಂಧು, ಜೂಲನ್‌ ಗೋಸ್ವಾಮಿ, ಅಭಿನವ್‌ ಬಿಂದ್ರಾ ಹಾಗೂ ಪುಲ್ಲೇಲ ಗೋಪಿಚಂದ್‌ ಅವರ ಜೀವನ ಆಧಾರಿತ ಸಿನಿಮಾಗಳು ಮುಂದಿನ ದಿನಗಳಲ್ಲಿ ತೆರೆ ಮೇಲೆ ಬರಲಿವೆ.