ಸೋನಾಲ್‌ ಮೊಂತೆರೋಹಾಡೊಂದರಲ್ಲಿ ಸಖತ್‌ ಕಲರ್‌ಫ‌ುಲ್‌ ಆಗಿ ಕಾಣಿಸಿ ಕೊಂಡಿದ್ದಾರೆ. ಅದು “ಶಂಭೋ ಶಿವ ಶಂಕರ’ ಚಿತ್ರದ ಹಾಡಿನಲ್ಲಿ.
ಈ ಚಿತ್ರದಲ್ಲಿ ಸೋನಾಲ್‌ ಮೊಂತೆರೋ ನಾಯಕಿಯಾಗಿದ್ದು, ಇತ್ತೀಚೆಗೆ ನಾಯಕಿಯ ಇಂಟ್ರೋಡಕ್ಷನ್‌ ಸಾಂಗ್‌ ಅನ್ನು ಚಿತ್ರತಂಡ ಉತ್ತರಹಳ್ಳಿ ಬಳಿ ಚಿತ್ರೀಕರಿಸಿದೆ. ಸೋನಾಲ್‌ ಜೊತೆ ನಾಯಕರಾದ ಅಭಯ್‌, ರೋಹಿತ್‌ ಹಾಗೂ ರಕ್ಷಕ್‌ ಭಾಗವಹಿಸಿದ್ದರು. ಈ ಚಿತ್ರವನ್ನು ಶಂಕರ್‌ ನಿರ್ದೇಶಿಸುತ್ತಿದ್ದಾರೆ. ಚಿತ್ರಕ್ಕೆ ವರ್ತೂರು ಮಂಜು ಅವರ ನಿರ್ಮಾಣವಿದೆ.
ಇದನ್ನೂ ಓದಿ : ಮೂವರು ನಾಯಕಿಯರ ಜೊತೆ ಪ್ರಜ್ವಲ್‌ ಡ್ಯುಯೆಟ್‌
ಸಿನಿಮಂದಿಯ ಗಮನ ಸೆಳೆದ ಓ ಮೈ ಲವ್‌ : ನಟ ತುಷಾರ್‌ ಗೌಡ, ಆರಾಧನಾ ಭಟ್‌ ನಿಟ್ಟೋಡಿ ಜೊತೆಯಾಗಿ ನಟಿಸಿರುವ “ಓ ಮೈ ಲವ್‌’ ಮ್ಯೂಸಿಕ್‌ ಆಲ್ಬಂ ಸಿನಿಮಂದಿಯ ಗಮನ ಸೆಳೆಯುತ್ತಿದೆ.
ಯೌವ್ವನದ ಸಂಕೀರ್ಣ ಸನ್ನಿವೇಶ, ಜೀವನದ ಜಂಜಾಟ, ಸಂಬಂಧ ಹೀಗೆ ಅನೇಕಸಂಗತಿಗಳನ್ನು ಹಾಡಿನ ಮೂಲಕ ಹೇಳಲಾಗಿದೆ. ಇಡೀ ಸಿನಿಮಾವೊಂದರಲ್ಲಿ ಹೇಳಲಾಗುವ ವಿಷಯವನ್ನುಗೀತೆಯೊಂದರಲ್ಲಿ ಹೇಳಲಾಗಿದೆ ಎಂದು ಚಿತ್ರ ನಿರ್ದೇಶಕ ಪಿ. ಶೇಷಾದ್ರಿ, ನಟಿ ಪ್ರಿಯಾಂಕಾ ತಿಮ್ಮೇಶ್‌, ಗಾಯಕಿ ಅನುರಾಧ ಭಟ್‌, ನಿರ್ಮಾಪಕ ಸಂತೋಷ್‌ ಕುಮಾರ್, ಸಂಭಾಷಣೆಕಾರ ಚಂದ್ರಮೌಳಿ ಮುಂತಾದವರು ಗೀತೆಯ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಜೀವನ್‌ ಗಂಗಾಧರಯ್ಯ “ಓ ಮೈ ಲವ್‌’ ಹಾಡಿಗೆ ಪರಿಕಲ್ಪನೆ,ಸಾಹಿತ್ಯ ಬರೆದು ನಿರ್ದೇಶನ ಮಾಡಿ ದ್ದಾರೆ. ಪ್ರಭಾಕರ್‌ ಬಿ.ಪಿ, ಶಂಕರಣ್ಣ ಸ್ಟುಡಿಯೋ ಹಾಗೂ ರಂಗಮಯೂರಿ ಜಂಟಿಯಾಗಿ ಈ ಆಲ್ಬಂ ನಿರ್ಮಿಸಿದ್ದಾರೆ.
