ಪೂಂಚ್‌ ವಲಯದ ಎಲ್‌ಓಸಿಯಲ್ಲಿ ನೆಲ ಬಾಂಬ್‌ ಸಿಡಿದು ಸೈನಿಕನಿಗೆ ಗಾಯ

ಜಮ್ಮು : ಜಮ್ಮು ಕಾಶ್ಮೀರದ ಪೂಂಚ್‌ ಜಿಲ್ಲೆಯ ಮೇಂಧರ್‌ ಸೆಕ್ಟರ್‌ ನ ಎಲ್‌ಓಸಿಯಲ್ಲಿ ನೆಲದಡಿ ಹುಗಿದಿಟ್ಟಿದ್ದ ಬಾಂಬ್‌ ಸ್ಫೋಟಗೊಂಡು ಓರ್ವ ಸೇನಾ ಸಿಬಂದಿ ಗಾಯಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಎಲ್‌ಓಸಿಯಲ್ಲಿನ ತಾರ್ಕುಡಿ ಗ್ರಾಮದಲ್ಲಿ  ಗಡಿ ನುಸುಳುಕೋರರನ್ನು ತಡೆಯಲು ಅವಿತಿರಿಸಲಾಗಿದ್ದ ನೆಲ ಬಾಂಬ್‌ ಸ್ಫೋಟಗೊಂಡಿತೆಂದು ಪೊಲೀಸ್‌ ಅಧಿಕಾರಿ ತಿಳಿಸಿದ್ದಾರೆ.

ಗಾಯಾಳು ಸೈನಿಕನನ್ನು ಒಡನೆಯೇ ಆಸ್ಪತ್ರೆಗೆ ಒಯ್ದು ಚಿಕಿತ್ಸೆ ನೀಡಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.