ಗಂಗೊಳ್ಳಿ: ಚಿತ್ತೂರು – ಮುಳ್ಳಿಕಟ್ಟೆ ರಸ್ತೆಯ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಬಳಿ ಕಾರಿಗೆ ಬೈಕ್‌ ಢಿಕ್ಕಿಯಾಗಿ, ಬೈಕ್‌ ಸಹಿತ ರಸ್ತೆಗೆ ಬಿದ್ದು ಸವಾರ ಮಂಜು ಗಾಯಗೊಂಡ ಘಟನೆ ನ.2ರಂದು ಸಂಜೆ 5.45ರ ಸುಮಾರಿಗೆ ಸಂಬವಿಸಿದೆ.
Advertisement
ಕಾರು ಚಾಲಕ ಶಿವಪ್ರಸಾದ್‌ ನೀಡಿದ ದೂರಿನಂತೆ ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕುಂದಾಪುರ: ಕೋಟೇಶ್ವರದ ಸರ್ವಿಸ್‌ ರಸ್ತೆಯಲ್ಲಿ ತ್ರಾಸಿಯ ಸಂದೀಪ್‌ (22) ಚಲಾಯಿಸುತ್ತಿದ್ದ ಬೈಕ್‌ಗೆ ಹಿಂದಿನಿಂದ ಬಂದ ಕಾರು ಢಿಕ್ಕಿಯಾಗಿದೆ. ಬೈಕ್‌ ಸಹಿತ ರಸ್ತೆಗೆ ಬಿದ್ದ ಸಂದೀಪ್‌ ಅವರ ಎರಡೂ ಕೈಗಳಿಗೆ, ಸೊಂಟ, ಭುಜ, ತಲೆ, ಕಾಲಿಗೆ ಗಾಯಗಳಾಗಿದ್ದು, ಕೋಟೇಶ್ವರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಾರು ಚಾಲಕ ಜಗದೀಶ್‌ ವಿರುದ್ಧ ಕುಂದಾಪುರ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.