ಅಯ್ಯೋ ವಿಧಿಯೇ ..ಬಳ್ಳಾರಿಯ ಯೋಧ ಮದುವೆಯ 2 ದಿನ ಮುನ್ನ ಜ್ವರಕ್ಕೆ ಬಲಿ

 ಬಳ್ಳಾರಿ: ವಿಧಿ ಅತ್ಯಂತ ಕ್ರೂರಿ ಎನ್ನುವುದಕ್ಕೆ ಮನಕಲುಕುವ ಈ ದಾರುಣ ಘಟನೆ ಸಾಕ್ಷಿ . ಹೂವಿನ ಹಡಗಲಿಯ ಯೋಧ ಹಸೆ ಮಣೆ ಏರುವ 2 ದಿನ ಮುನ್ನ  ಜ್ವರಕ್ಕೆ ಬಲಿಯಾಗಿದ್ದಾರೆ. 

ಬಸರಹಳ್ಳಿ ಗ್ರಾಮದ ಹನುಮಂತಪ್ಪ ಕೊರ್ಲಗಟ್ಟಿ ಎಂಬ 30 ರ ಹರೆಯದ ಸಶಸ್ತ್ರ ಮೀಸಲು ಪಡೆಯ ಯೋಧ ಹುಬ್ಬಳ್ಳಿಯ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಅವರು ಜಾರ್ಖಂಡ್‌ನ‌ಲ್ಲಿ ಸೇವೆ ಸಲ್ಲಿಸುತ್ತಿದ್ದರು. 

ಜುಲೈ 1 ರಂದು ವಿವಾಹ ನಿಗದಿಯಾಗಿದ್ದು ಮನೆಯಲ್ಲಿದ್ದ ಸಂಭ್ರಮದ ವಾತಾವರಣ ಬದಲಾಗಿ ರೋಧನ ಮುಗಿಲು ಮುಟ್ಟಿದೆ. 

ಜ್ವರದಿಂದ ಬಳಲುತ್ತಿದ್ದ ಹನುಮಂತಪ್ಪ ಅವರನ್ನು  ಮುಂಡರಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಗೆ ಕರೆದೊಯ್ಯಲಾಗಿತ್ತು.