ಸಾಮಾಜಿಕ ಸೇವಾ ಕಾರ್ಯ: ರೋಟರಿ ಕ್ಲಬ್ ಗೆ ರಾಜ್ಯಮಟ್ಟದ 6 ಪ್ರಶಸ್ತಿಗಳು

ಗಂಗಾವತಿ : ಸಾಮಾಜಿಕ ಕಾರ್ಯಕ್ರಮದ ಅನುಷ್ಠಾನದ ಮೂಲಕ ಸ್ಥಳೀಯ ರೋಟರಿ ಕ್ಲಬ್ ರಾಜ್ಯಮಟ್ಟದ 6 ಪ್ರಶಸ್ತಿಗಳನ್ನು ಗಳಿಸಿದೆ .ರೋಟರಿ ಇಂಟರ್ ನ್ಯಾಶನಲ್ ಸಂಸ್ಥೆಯು ಜನಪರ ಸೇವೆಗಳಿಗೆ ವಿಶ್ವದಲ್ಲಿಯೇ ಮುಂಚೂಣಿಯಲ್ಲಿದ್ದು ಸಾವಿರಾರು ಕೋಟಿ ರೂಪಾಯಿಗಳನ್ನು ಜನಪರ ಯೋಜನೆ ಅನುಷ್ಠಾನ ಮಾಡಿದೆ .

ರೋಟರಿ ಕ್ಲಬ್ ಗಂಗಾವತಿ ಸಂಸ್ಥೆಯು 2021-22 ಸಾಲಿನ ಅಧ್ಯಕ್ಷರಾಗಿದ್ದ ಮಹೇಶ್ ಸಾಗರ ನೇತೃತ್ವದಲ್ಲಿ ಪಲ್ಸ್ ಪೋಲಿಯೋ, ವನಮಹೋತ್ಸವ ಸಮಾಜದ ಜಾಗೃತಿ ಕೋವಿಡ್ ಸಂದರ್ಭದಲ್ಲಿ ಮಾಸ್ಕ್ ಗಳ ವಿತರಣೆ ಸೇರಿ ಅನೇಕ ಜನಪರ ಕಾರ್ಯಕ್ರಮಗಳನ್ನು ಅನುಷ್ಠಾನ ಮಾಡಿದ್ದನ್ನು ಪರಿಗಣಿಸಿ ರೋಟರಿ ಇಂಟರ್ ನ್ಯಾಷನಲ್ ಸಂಸ್ಥೆಯು ಬೆಂಗಳೂರಿನಲ್ಲಿ ಆಯೋಜಿಸಿದ್ದ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಗಂಗಾವತಿ ರೋಟರಿ ಕ್ಲಬ್ ಗೆ 6 ಪ್ರಶಸ್ತಿಗಳನ್ನು ನೀಡಿ ಗೌರವಿಸಿದೆ.

ಮಹೇಶ್ ಸಾಗರ್ 3,ಟಿ ಆಂಜನೇಯ 1,ಎನ್ ಆರ್ ಶ್ರೀನಿವಾಸ್ 1,ರೋಟರಿ ಕ್ಲಬ್ ಗಂಗಾವತಿ 1 ಒಟ್ಟು 6 ಪ್ರಶಸ್ತಿಗಳು ಪ್ರದಾನ ಮಾಡಲಾಯಿತು.