Advertisement
ನಂದಿನಿ ಹೆಸರಿನಡಿ ತುಪ್ಪ, ಹಾಲು, ಮೊಸರು, ಮಜ್ಜಿಗೆ, ಚಾಕೋಲೇಟ್‌, ಐಸ್‌ಕ್ರೀಂ, ಪೇಡಾ, ಮೈಸೂರು ಪಾಕ್‌, ನೀರು ಹೀಗೆ 60 ತರಹದ ಹಾಲಿನ ಉತ್ಪನ್ನಗಳನ್ನು ಮಾರುತ್ತಿದ್ದ ಕೆಎಂಎಫ್‌ ಮತ್ತೂಂದು ಹೆಜ್ಜೆ ಮುಂದಿರಿಸಿದೆ. ಸಿಹಿಯೊಂದಿಗೆ ಈಗ ಖಾರದತಿನಿಸುಗಳಾದ ಬಾಂಬೆ ಮಿಕ್ಸರ್‌, ಖಾರಾ ಬೂಂದಿ, ಬೆಣ್ಣೆ ಮುರುಕು, ಕೋಡುಬಳೆಯ 200 ಗ್ರಾಂ ಪ್ಯಾಕ್‌ ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
ಎಲ್ಲಿಲ್ಲದ ಬೇಡಿಕೆ ಇದೆ. ಉಡುಗೊರೆ ನೀಡುವವರು ಖಾರದ ಪದಾರ್ಥಗಳಿಗೆ ಬೇರೆ ಅಂಗಡಿಗಳನ್ನು ಆಶ್ರಯಿಸಬೇಕಿತ್ತು. ಗ್ರಾಹಕರು ಡಿಮ್ಯಾಂಡ್‌ ಮಾಡಿದರೂ ಬೇರೆ ಕಂಪೆನಿಗಳ ಪ್ರಾಡಕ್ಟ್ಗಳನ್ನು ಇಲ್ಲಿ ಮಾರುವಂತಿರಲಿಲ್ಲ. ಜತೆಗೆ ಬಹುತೇಕ ಸರಕಾರಿ, ಅರೆ ಸರಕಾರಿ ಸಂಸ್ಥೆಗಳ ಔತಣಕೂಟ, ವಿಶೇಷ ದಿನಗಳಲ್ಲಿ ನಂದಿನಿ ಉತ್ಪನ್ನಗಳನ್ನೇ ಬಳಸಲಾಗುತ್ತದೆ. ಸಿಹಿ ತಿನಿಸುಗಳಷ್ಟೇ ಸಿಗುತ್ತಿರುವುದರಿಂದ ಮಿನರಲ್‌ ವಾಟರ್‌ಗೆ ಬೇಡಿಕೆ ಇಡಲಾಗಿತ್ತು. ಕೆಲ ತಿಂಗಳ ಹಿಂದೆ ಮಿನರಲ್‌ ವಾಟರ್‌ ಬಿಡುಗಡೆಗೊಳಿಸಲಾಗಿತ್ತು. ಬೇಡಿಕೆ ಹೆಚ್ಚಾಗಿದ್ದರಿಂದ ಖಾರಾ ತಿನಿಸುಗಳನ್ನೂ ತಯಾರಿಸಿ ಮಾರಲು ನಿರ್ಧರಿಸಲಾಗಿದೆ. ಬಿಲ್ಲಿಂಗ್‌ ಸುಲಭ: ಸರಕಾರಿ, ಅರೆ ಸರಕಾರಿ ಕಾರ್ಯಕ್ರಮಗಳಲ್ಲಿ ಊಟ, ತಿಂಡಿ ಪೂರೈಸಬೇಕು ಎಂದರೆ ಟೆಂಡರ್‌ ಕರೆಯಲೇಬೇಕು. ಇದನ್ನು ತಪ್ಪಿಸುವ ಸಲುವಾಗಿ ಸರಕಾರಿ ಸ್ವಾಮ್ಯದ ಕೆಎಂಎಫ್‌ಗೆ ಇದರ ಹೊಣೆ ವಹಿಸಿದರೆ ಟೆಂಡರ್‌ ಕರೆಯುವ ಅಗತ್ಯವೇ ಇಲ್ಲ. ಬಿಲ್ಲಿಂಗ್‌ ಸುಲಭ ಎಂಬುದು ಅಧಿಕಾರಿಯೊಬ್ಬರ ಅನುಭವ.
Related Articles
ದಿನ 200 ಕೆಜಿ ಮಾತ್ರ ತಯಾರು ಮಾಡಲಾಗುತ್ತಿತ್ತು. ಈಗ ಪ್ರತಿ ದಿನ ಸಾವಿರ ಕೆಜಿ ಉತ್ಪಾದನೆ ಮಾಡಲಾಗುತ್ತಿದೆ.
Advertisement
ನಂದಿನಿ ಬ್ರಾಂಡ್‌ಗೆ ಉತ್ತಮ ಹೆಸರಿದ್ದು, ನಮ್ಮಲ್ಲಿರುವ 60 ಉತ್ಪನ್ನಗಳಿಗೆ ಉತ್ತಮ ಬೇಡಿಕೆ ಇದೆ. ಜನರ ಬೇಡಿಕೆಗೆ ತಕ್ಕಂತೆ ಹೊಸಹೊಸ ಉತ್ಪನ್ನಗಳನ್ನು ಲಾಂಚ್‌ ಮಾಡಲಾಗುವುದು.
● ಎ.ಆರ್‌.ಚಂದ್ರಶೇಖರ್‌, ಎಂಡಿ, ಶಿಮುಲ್‌ ಬಾಂಬೆ ಮಿಕ್ಸರ್‌ ಗರಿಗರಿಯಾಗಿ, ರುಚಿಕರವಾಗಿದೆ. ನಂದಿನಿ ಉತ್ಪನ್ನಗಳಿಗೆ ಯಾವುದೂ ಸರಿಸಾಟಿ ಇಲ್ಲ. ಬೆಲೆ ಸ್ವಲ್ಪ ದುಬಾರಿ
ಅನಿಸಿದ್ದು ಬಿಟ್ಟರೆ ರುಚಿ ಮುಂದೆ ಇದು ನಗಣ್ಯ.
● ಪ್ರಕಾಶ್‌, ಗ್ರಾಹಕ ● ಶರತ್‌ ಭದ್ರಾವತಿ