ಜನನ ಪ್ರಮಾಣಪತ್ರ ನಕಲು ಆರೋಪ : ಆಜಂ ಖಾನ್‌, ಪತ್ನಿ, ಪುತ್ರ ನ್ಯಾಯಾಂಗ ವಶಕ್ಕೆ

ಲಕ್ನೋ: ಜನನ ಪ್ರಮಾಣಪತ್ರ ನಕಲು ಆರೋಪ ಎದುರಿಸುತ್ತಿರುವ ಸಮಾಜವಾದಿ ಪಕ್ಷದ ಸಂಸದ ಅಜಂ ಖಾನ್‌, ಅವರ ಪತ್ನಿ ತಝೀನ್‌ ಫಾತ್ಮಾ ಮತ್ತು ಪುತ್ರ, ಶಾಸಕ ಅಬ್ದುಲ್ಲಾ ಅಜಂ ಅವರು ಬುಧವಾರ ಲಕ್ನೋದಲ್ಲಿ ನ್ಯಾಯಾಲಯಕ್ಕೆ ಶರಣಾಗಿದ್ದು, ಅವರನ್ನು ಮಾ.2ರವರೆಗೆ ನ್ಯಾಯಾಂಗ ವಶಕ್ಕೆ ಒಪ್ಪಿಸಿ ಕೋರ್ಟ್‌ ಆದೇಶ ನೀಡಿದೆ.

2017ರಲ್ಲಿ ಅಸೆಂಬ್ಲಿ ಚುನಾವಣೆಯಲ್ಲಿ ಸ್ಪರ್ಧಿಸುವ ವೇಳೆ ಸಲ್ಲಿಸಿದ್ದ ಅಫಿಡವಿಟ್‌ನಲ್ಲಿ ಅಜಂ ಪುತ್ರ ಅಬ್ದುಲ್ಲಾ ಅಜಂ ಅವರು ತಮ್ಮ ಜನನ ದಿನಾಂಕದ ಬಗ್ಗೆ ಸುಳ್ಳು ಮಾಹಿತಿ ನೀಡಿದ್ದರು. ನಕಲಿ ಪ್ರಮಾಣಪತ್ರ ಸಲ್ಲಿಸಿದ ಹಿನ್ನೆಲೆ, ಮೂವರ ವಿರುದ್ಧವೂ ಜಾಮೀನುರಹಿತ ವಾರಂಟ್‌ ಜಾರಿಯಾಗಿತ್ತು.