ಬಾಗ್ಧಾದಿ ಸಹೋದರಿ ಬಂಧನ

ಇಸ್ತಾಂಬುಲ್‌: ಅಮೆರಿಕ ದಾಳಿಯಲ್ಲಿ ಇತ್ತೀಚೆಗೆ ಹತ್ಯೆಗೀಡಾದ, ಐಸಿಸ್‌ ಸಂಸ್ಥಾಪಕ ಅಬು ಅಲ್‌ ಬಕರ್‌ ಬಾಗ್ಧಾದಿಯ ಸಹೋದರಿಯನ್ನು ತಾನು ವಶಕ್ಕೆ ಪಡೆದಿರುವುದಾಗಿ ಟರ್ಕಿ ಸರಕಾರ ಹೇಳಿಕೊಂಡಿದೆ. ಸಿರಿಯಾದ ಅಝಾಜ್‌ ಎಂಬ ನಗರದಿಂದ ವಶಕ್ಕೆ ಪಡೆಯಲಾಗಿರುವ ಆ ಮಹಿಳೆಯ ಹೆಸರು ರಶ್ಮಿಯಾ ಅವಾದ್‌ (65) ಎಂದಾಗಿದ್ದು, ಆಕೆಯೊಂದಿಗೆ ಅವರ ಪತಿ, ಅವರ ಸೊಸೆ ಹಾಗೂ ಐವರು ಮಕ್ಕಳನ್ನು ವಶಕ್ಕೆ ಪಡೆಯಲಾಗಿದ್ದು, ಅವರಲ್ಲಿ ಮೂವರು ಹಿರಿಯನ್ನು ಮಾತ್ರ ವಿಚಾರಣೆಗೆ ಒಳಪಡಿಸಿರುವುದಾಗಿ ಟರ್ಕಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ವಿಚಾರಣೆಯಲ್ಲಿ ಪ್ರಮುಖವಾಗಿ, ಐಸಿಸ್‌ ಬಗ್ಗೆ ಆ ಮಹಿಳೆಗೆ ಹಾಗೂ ಅವರ ಸಂಬಂಧಿಗಳಿಗೆ ಗೊತ್ತಿರುವ ಮಾಹಿತಿಗಳನ್ನು ಕೆದಕಲು ಪ್ರಯತ್ನಿಸಲಾಗುತ್ತಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.