ಭಾರತದಲ್ಲಿ ಆರನೇ ಕೋವಿಡ್-19 ಪ್ರಕರಣ ಪತ್ತೆ

ನವದೆಹಲಿ: ಕೋವಿಡ್-19 (ಕೊರೋನಾ ವೈರಸ್) ಹೊಸ ಪ್ರಕರಣ ಭಾರತದಲ್ಲಿ ಪತ್ತೆಯಾಗಿದೆ. ಈ ಮೂಲಕ ದೇಶದಲ್ಲಿ ಇದುವರೆಗೂ ಪತ್ತೆಯಾದ ಕೋವಿಡ್-19 ಪ್ರಕರಣಗಳ ಸಂಖ್ಯೆ ಆರಕ್ಕೇರಿದೆ.

ಈ ಹೊಸ ಪ್ರಕರಣ ರಾಜಸ್ಥಾನದ ಜೈಪುರದಲ್ಲಿ ಪತ್ತೆಯಾಗಿದ್ದು ಇಟಲಿ ದೇಶದ ಪ್ರವಾಸಿಯೊಬ್ಬರಲ್ಲಿ ಕೊರೊನಾ ವೈರಸ್ ಪಾಸಿಟಿವ್ ಕಂಡುಬಂದಿದೆ. ಈ ವಿಷಯವನ್ನು ಕೆಂದ್ರ ಆರೋಗ್ಯ ಸಚಿವಾಲಯದ ಮೂಲಗಳು ಖಚಿತಪಡಿಸಿವೆ.

ಇಟಲಿ ದೇಶದ ಈ ಪ್ರವಾಸಿಯಿಂದ ಶನಿವಾರ ಸಂಗ್ರಹಿಸಲಾಗಿದ್ದ ಮೊದಲ ಮಾದರಿ ನೆಗೆಟಿವ್ ಆಗಿತ್ತು. ಆದರೆ ಆ ವ್ಯಕ್ತಿಯ ಆರೋಗ್ಯ ಸ್ಥಿತಿ ಬಿಗಡಾಯಿಸಲಾರಂಭಿಸಿತು ತಕ್ಷಣವೇ ಆತನ ಎರಡನೇ ಮಾದರಿಯನ್ನು ಸಂಗ್ರಹಿಸಿ ಅದನ್ನು ಸೋಮವಾರದಂದು ಪರೀಕ್ಷೆಗೊಳಪಡಿಸಿದಾಗ ಅದು ಪಾಸಿಟಿವ್ ಆಗಿತ್ತು.