ಜಾರ್ಖಂಡ್‌ : ಆರು ಮಾವೋವಾದಿಗಳಿಂದ ಶಸ್ತ್ರ ತ್ಯಾಗ, ಪೊಲೀಸರಿಗೆ ಶರಣು

ಡುಮ್ಕಾ : ತಮ್ಮ ತಲೆಗೆ ನಗದು ಇನಾಮು ಹೊಂದಿದ್ದ ಆರು ಮಾವೋವಾದಿಗಳು ಹಿರಿಯ ಪೊಲೀಸ್‌ ಅಧಿಕಾರಿಗಳ ಮುಂದೆ ಇಂದು ಸೋಮವಾರ ಶಸ್ತ್ರಾಸ್ತ್ರ ತ್ಯಜಿಸಿ ಶರಣಾದರು.

ಶರಣಾದ ಮಾವೋ ಬಂಡುಕೋರರಲ್ಲಿ ಮೂವರು ಮಹಿಳೆಯರು ಸೇರಿದ್ದಾರೆ. ಇವರಿಗೆ ಹಜಾರಿಬಾಗ್‌ ನ ಬಯಲು ಬಂಧೀಖಾನೆಯಲ್ಲಿ ಸ್ಥಳಾವಕಾಶ ಕಲ್ಪಿಸಲಾಗುವುದು ಎಂದು ಜಿಲ್ಲಾ ಪೊಲೀಸ್‌ ಸುಪರಿಂಟೆಂಡೆಂಟ್‌ ವೈ ಎಸ್‌ ರಮೇಶ್‌ ತಿಳಿಸಿದ್ದಾರೆ.

ಶರಣಾಗಿರುವ ಎಲ್ಲ ಆರು ಮಂದಿ ಮಾವೋವಾದಿಗಳಿಗೆ ಅವರ ತಲೆಗಿದ್ದ ಇನಾಮನ್ನು ಚೆಕ್‌ ರೂಪದಲ್ಲಿ ಕೊಡಲಾಗಿದೆ.

ಈ ಸಂದರ್ಭದಲ್ಲಿ ಡೆಪ್ಯುಟಿ ಇನ್ಸ್‌ಪೆಕ್ಟರ್‌ ಜನರಲ್‌ ಆಫ್ ಪೊಲೀಸ್‌ (ಡುಮ್ಕಾ ವಲಯ) ರಾಜ್‌ ಕುಮಾರ್‌ ಲಾಕ್ರಾ ಉಪಸ್ಥಿತರಿದ್ದರು.