ಕೇರಳದ ಸನ್ಯಾಸಿನಿ ಸುಪೀರಿಯರ್‌ ಜನರಲ್‌

ಕೋಲ್ಕತಾ: ಮದರ್‌ ತೆರೇಸಾ ಅವರಿಂದ ಸ್ಥಾಪಿಸಲ್ಪಟ್ಟಿರುವ ಮಿಷನರೀಸ್‌ ಆಫ್ ಚಾರಿಟಿಯ ಸುಪೀರಿಯರ್‌ ಜನರಲ್‌ ಆಗಿ ಕೇರಳ ಮೂಲದ 71 ವರ್ಷ ಸಿಸ್ಟರ್‌ ಮೇರಿ ಜೋಸೆಫ್ ಆಯ್ಕೆಯಾಗಿದ್ದಾರೆ.

ಕೇರಳದ ತ್ರಿಶ್ಶೂರು ಜಿಲ್ಲೆಯ ಮಾಲ ಎಂಬ ಊರಿನವರಾಗಿರುವ ಇವರು ಪ್ರಸ್ತುತ ಈ ಚಾರಿಟಿಯ ದಕ್ಷಿಣ ವಲಯದ ಪ್ರಾದೇಶಿಕ ಸುಪೀರಿಯರ್‌ ಆಗಿ ಸೇವೆಯಲ್ಲಿದ್ದಾರೆ.

ಪ್ರಸ್ತುತ ಜರ್ಮನಿ ಮೂಲದ ಸಿಸ್ಟರ್‌ ಮೇರಿ ಪ್ರೇಮಾ ಸುಪೀರಿಯರ್‌ ಜನರಲ್‌ ಆಗಿದ್ದಾರೆ. 13 ವರ್ಷಗಳಿಂದ ಈ ಹುದ್ದೆಯಲ್ಲಿರುವ ಅವರು ಆರೋಗ್ಯ ಸಂಬಂಧಿ ಕಾರಣದಿಂದ ಹುದ್ದೆಯನ್ನು ತೊರೆಯಲು ನಿರ್ಧರಿಸಿದ್ದಾರೆ.