Final ಸೋತ ಸಿಂಧು: ಮುಂದುವರಿದ ಪ್ರಶಸ್ತಿ ಬರಗಾಲ

ಕೌಲಾಲಂಪುರ: ಪಿ.ವಿ. ಸಿಂಧು ಅವರ ಪ್ರಶಸ್ತಿ ಬರಗಾಲ ಮುಂದುವರಿದಿದೆ. ಅವರು ಮಲೇಷ್ಯಾ ಮಾಸ್ಟರ್ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯ ಫೈನಲ್‌ನಲ್ಲಿ ಸೋತು ನಿರಾಸೆ ಅನುಭವಿಸಿದರು.

ಸ್ಟಾರ್‌ ಆಟಗಾರ್ತಿಯರನೇಕರ ಗೈರಿ ನಿಂದಾಗಿ ಸಿಂಧು ಅವರಿಗೆ ಚಾಂಪಿ ಯನ್‌ ಆಗುವ ಉತ್ತಮ ಅವಕಾಶ ವೊಂದು ಇಲ್ಲಿ ತೆರೆದಿತ್ತು. ಆದರೆ ರವಿವಾರದ ಫೈನಲ್‌ನಲ್ಲಿ ಚೀನದ 7ನೇ ರ್‍ಯಾಂಕ್‌ ಆಟಗಾರ್ತಿ ವಾಂಗ್‌ ಝಿ ಯಿ ವಿರುದ್ಧ 21-16, 5-21, 16-21 ಸೋಲನುಭವಿಸಿದರು. ಮೊದಲ ಗೇಮ್‌ ಗೆದ್ದರೂ ಈ ಮೇಲುಗೈಯನ್ನು ಉಳಸಿಕೊಳ್ಳಲು ಸಿಂಧು ಅವರಿಂದ ಸಾಧ್ಯವಾಗಲಿಲ್ಲ. ದ್ವಿತೀಯ ಗೇಮ್‌ನಲ್ಲಿ ಗಳಿಸಿದ್ದು ಬರೀ 5 ಅಂಕ. ನಿರ್ಣಾಯಕ ಗೇಮ್‌ನಲ್ಲಿ 11-3ರ ಭಾರೀ ಮುನ್ನಡೆ ಸಾಧಿಸಿದರೂ ಇದನ್ನು ಕಾಯ್ದುಕೊಳ್ಳದೆ ಹೋದರು. 79 ನಿಮಿಷಗಳ ಕಾಲ ಇವರ ಆಟ ಸಾಗಿತು.

ಸಿಂಧು ಕೊನೆಯ ಸಲ 2022ರಲ್ಲಿ ಸಿಂಗಾಪುರ್‌ ಓಪನ್‌ ಪ್ರಶಸ್ತಿ ಜಯಿಸಿ ದ್ದರು. ಅದೇ ವರ್ಷ ಕಾಮನ್ವೆಲ್ತ್‌ ಗೇಮ್ಸ್‌ ಬಂಗಾರವನ್ನೂ ಜಯಿಸಿದ್ದರು. ಅಲ್ಲಿಂದೀಚೆ ಪ್ರಶಸ್ತಿ ಮರೀಚಿಕೆಯೇ ಆಗಿ ಉಳಿದಿದೆ. ಇದರಿಂದ ಅವರ ಪ್ಯಾರಿಸ್‌ ಒಲಿಂಪಿಕ್ಸ್‌ ತಯಾರಿಗೆ ಹಿನ್ನಡೆಯಾಗಿದೆ. ಸಿಂಧು ಕಳೆದೆರಡು ಒಲಿಂಪಿಕ್ಸ್‌ನಲ್ಲಿ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕ ಜಯಿಸಿದ್ದರು.