Sindhanur: ಹಳ್ಳದಲ್ಲಿ ಕೊಚ್ಚಿ ಹೋದ ವ್ಯಕ್ತಿ; ಶೋಧ ಕಾರ್ಯ ಚುರುಕು

ಸಿಂಧನೂರು: ವ್ಯಕ್ತಿಯೊಬ್ಬರು ತಾಲೂಕಿನ ಹಿರೇಹಳ್ಳದಲ್ಲಿ ಕೊಚ್ಚಿ ಹೋದ ಘಟನೆ ಆ.14ರ ಬುಧವಾರ ನಡೆದಿರುವ ಬಗ್ಗೆ ವರದಿಯಾಗಿದೆ.

ಗಿಣಿವಾರ ಗ್ರಾಮದ ಸಾಯಿಬಣ್ಣ ತಂದೆ ಗ್ಯಾನಪ್ಪ ( 50) ಕೊಚ್ಚಿ ಹೋದ ವ್ಯಕ್ತಿ.

ಹಿರೇಹಳ್ಳದ ಬಳಿಯೇ ತುಂಗಭದ್ರಾ ನದಿ‌ ಹಿನ್ನೀರು ಸೇರಿಕೊಂಡ ಹಿನ್ನೆಲೆ ನದಿಯಲ್ಲಿ ಕೊಚ್ಚಿ ಹೋಗಿರಬಹುದು ಎಂಬ ಶಂಕಿಸಲಾಗಿದೆ.

ಗ್ರಾಮದಲ್ಲಿ ನಡೆದ ಅಂತ್ಯಕ್ರಿಯೆಯೊಂದರಲ್ಲಿ ಪಾಲ್ಗೊಂಡು ನಂತರ ಸ್ನಾನಕ್ಕೆಂದು ನದಿಗೆ ಹೋದ ಸಂದರ್ಭ ಈ ಘಟನೆ ಸಂಭವಿಸಿದೆ.

ತಹಶೀಲ್ದಾರ್ ಅರುಣ್ ಕುಮಾರ್ ದೇಸಾಯಿ ತುರ್ತು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ವ್ಯಕ್ತಿಯ ಪತ್ತೆಗಾಗಿ ಅಗ್ನಶಾಮಕ ಠಾಣೆ ತಂಡ ಹಾಗೂ ನುರಿತ ಈಜುಗಾರರು, ಹರಿಗೋಲು ಇಳಿಸಿ ಶೋಧ ಕಾರ್ಯ ನಡೆಸಿದ್ದಾರೆ.