ಮ್ಯಾಡ್ರಿಡ್‌ ಓಪನ್‌: ಹಾಲೆಪ್‌ಗೆ ಪ್ರಶಸ್ತಿ

ಮ್ಯಾಡ್ರಿಡ್‌: ಫ್ರಾನ್ಸ್‌ನ ಕ್ರಿಸ್ಟಿನಾ ಮಡೆನೋವಿಕ್‌ ಅವರನ್ನು ಮೂರು ಸೆಟ್‌ಗಳ ಕಠಿನ ಹೋರಾಟದಲ್ಲಿ ಸೋಲಿಸಿದ ಸಿಮೋನಾ ಹಾಲೆಪ್‌ ಸತತ ಎರಡನೇ ವರ್ಷ ಮ್ಯಾಡ್ರಿಡ್‌ ಓಪನ್‌ ಟೆನಿಸ್‌ ಕೂಟದ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಮೂರನೇ ಶ್ರೇಯಾಂಕದ ಹಾಲೆಪ್‌ ಶ್ರೇಷ್ಠ ಮಟ್ಟದ ಟೆನಿಸ್‌ ಆಟ ಪ್ರದರ್ಶಿಸಿ 7-5, 6-7 (5), 6-2 ಸೆಟ್‌ಗಳಿಂದ 14ನೇ ಶ್ರೇಯಾಂಕದ ಮಡೆನೋವಿಕ್‌ ಅವರನ್ನು ಉರುಳಿಸಿದರು. ಕಳೆದ ನಾಲ್ಕು ವರ್ಷಗಳಲ್ಲಿ ಹಾಲೆಪ್‌ ಮೂರನೇ ಬಾರಿ ಮ್ಯಾಡ್ರಿಡ್‌ ಓಪನ್‌ನ ಫೈನಲ್‌ನಲ್ಲಿ ಆಡಿದ್ದರು. 2014ರಲ್ಲಿ ಅವರು ಫೈನಲ್‌ನಲ್ಲಿ ಮರಿಯಾ ಶರಪೋವಾಗೆ ಶರಣಾಗಿದ್ದರು.