Zaid khan; ಯುಗಾದಿಗೆ ಝೈದ್‌ ಹೊಸ ಚಿತ್ರದ ಟೈಟಲ್‌

ಬನಾರಸ್‌’ ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಹೀರೋ ಆಗಿ ಎಂಟ್ರಿ ಕೊಟ್ಟಿದ್ದ ನಟ ಝೈದ್‌ ಖಾನ್‌ ಹಾಗೂ “ಉಪಾಧ್ಯಕ್ಷ’ ಚಿತ್ರದ ನಿರ್ದೇಶಕ ಅನಿಲ್‌ ಕುಮಾರ್‌ ಕಾಂಬಿನೇಶನ್‌ ನಲ್ಲಿ ಹೊಸ ಸಿನಿಮಾದ ಫ‌ಸ್ಟ್‌ ಲುಕ್‌ ಹಾಗೂ ಟೈಟಲ್‌ ಯುಗಾದಿ ಹಬ್ಬದಂದು ಬಿಡುಗಡೆಯಾಗುತ್ತಿದೆ.

ಕೆಲವು ದಿನಗಳ ಹಿಂದಷ್ಟೇ ಈ ಹೊಸ ಸಿನಿಮಾದ ಮೊದಲ ಪೋಸ್ಟರ್‌ ಬಿಡುಗಡೆಯಾಗಿತ್ತು. ಸಿನಿಮಾದ ಪೋಸ್ಟರ್‌ನಲ್ಲಿ ಕೈಯಲ್ಲಿ ಮದ್ಯದ ಬಾಟಲ್‌ ಮತ್ತು ಸಿಗರೇಟ್‌ ಹಿಡಿದುಕೊಂಡು ಹುಡುಗಿಯ ಫೋಟೋ ಮುಂದೆ ಕೂತಿರುವ ಭಗ್ನ ಪ್ರೇಮಿಯ ಲುಕ್‌ನಲ್ಲಿ ನಾಯಕನನು ತೋರಿಸಲಾಗಿತ್ತು. ಈಗ ಫ‌ಸ್ಟ್‌ಲುಕ್‌ ಹಾಗೂ ಟೈಟಲ್‌ ರಿಲೀಸ್‌ಗೆ ತಂಡ ಮುಂದಾಗಿದೆ.

ಝೈದ್‌ ಖಾನ್‌ ನಾಯಕರಾಗಿ ನಟಿಸುತ್ತಿರುವ ಎರಡನೇ ಚಿತ್ರವಿದು. ಆಶ್ರಿತ್‌ ಸಿನಿಮಾಸ್‌ ಲಾಂಛನದಲ್ಲಿ ಈ ಸಿನಿಮಾ ನಿರ್ಮಾಣವಾಗಲಿದ್ದು, ರಚನೆ ಹಾಗೂ ನಿರ್ದೇಶನ ಅನಿಲ್‌ ಕುರ್ಮಾ ನಿರ್ವಹಿಸಲಿದ್ದಾರೆ. ಜೆ.ಎಸ್‌.ವಾಲಿ ಛಾಯಾಗ್ರಹಣ, ಅರ್ಜುನ್‌ ಜನ್ಯ ಸಂಗೀತ ನಿರ್ದೇಶನ, ಕೆ.ಎಂ.ಪ್ರಕಾಶ್‌ ಸಂಕಲನ ಹಾಗೂ ರವಿವರ್ಮ ಸಾಹಸ ನಿರ್ದೇಶನ ಈ ಚಿತ್ರಕ್ಕಿದೆ