ಹಿರಿಯಡಕ ದೇವಸ್ಥಾನ: ಮಾ. 19ರಂದು ಬೆಳ್ಳಿ ಸಮರ್ಪಣೆ

ಹೆಬ್ರಿ: ಹಿರಿಯಡಕ ಮಹತೋಭಾರ ಶ್ರೀ ವೀರಭದ್ರ ಸ್ವಾಮಿ ದೇಗುಲದಲ್ಲಿ ಶ್ರೀದೇವರ ಪೀಠ ಮತ್ತು ಪ್ರಭಾವಳಿಯನ್ನು ಸುಮಾರು 25 ಕೆ.ಜಿ. ರಜತದಿಂದ ರಚಿಸುವ ಹಾಗೂ ಗರ್ಭಗೃಹದ ದೀಪ ದಳಿಗೆ ಸುಮಾರು 450 ಕೆ.ಜಿ. ರಜತ ಕವಚವನ್ನು ಹೊದೆಸಿ ಸಮರ್ಪಿಸುವ ಉದ್ದೇಶದಿಂದ ಮಾ. 19ರಂದು ಬೆಳಗ್ಗೆ 7ರಿಂದ ಸಂಜೆ 6ರ ತನಕ ಭಕ್ತರಿಂದ ಬೆಳ್ಳಿ ಸಮರ್ಪಣೆ ಕಾರ್ಯಕ್ರಮ ನಡೆಯಲಿದೆ.

ಸಮರ್ಪಿಸುವುದಕ್ಕಾಗಿ ಬೆಳ್ಳಿಯ ನಾಣ್ಯವನ್ನು ಸಮಿತಿಯ ವತಿಯಿಂದ ಒದಗಿಸುವ ವ್ಯವಸ್ಥೆಯನ್ನು ಮಾಡಲಾಗಿದ್ದು, ಹಳೆಯ ಬೆಳ್ಳಿಯ ಸಾಮಗ್ರಿಯನ್ನೂ ಅರ್ಪಿಸುವ ಅವಕಾಶ ಕಲ್ಪಿಸಲಾಗಿದೆ ಎಂದು ಜೀರ್ಣೋದ್ಧಾರ ಸಮಿತಿಯ 
ಪ್ರಕಟನೆ ತಿಳಿಸಿದೆ.