ಸಿಡ್ನಿ ಸಿಕ್ಸರ್‌ ಚಾಂಪಿಯನ್‌

ಸಿಡ್ನಿ: ಸಿಡ್ನಿ ಸಿಕ್ಸರ್ ತಂಡ 2020ನೇ ಸಾಲಿನ ಬಿಗ್‌ ಬಾಶ್‌ ಕ್ರಿಕೆಟ್‌ ಲೀಗ್‌ ಚಾಂಪಿಯನ್‌ ಆಗಿ ಹೊರಹೊಮ್ಮಿದೆ. ಶನಿವಾರದ ಮಳೆಪೀಡಿತ ಫೈನಲ್‌ನಲ್ಲಿ ಅದು ಮೆಲ್ಬರ್ನ್ ಸ್ಟಾರ್ ವಿರುದ್ಧ 19 ರನ್‌ ಗೆಲುವು ಸಾಧಿಸಿತು.

12 ಓವರ್‌ಗಳಿಗೆ ಸೀಮಿತಗೊಂಡ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಸಿಡ್ನಿ 5 ವಿಕೆಟಿಗೆ 116 ರನ್‌ ಮಾಡಿತು. ಜವಾಬಿತ್ತ ಮೆಲ್ಬರ್ನ್ 6 ವಿಕೆಟಿಗೆ 97 ರನ್‌ ಮಾಡಿ ಶರಣಾಯಿತು.

ಜೋಶ್‌ ಫಿಲಿಪ್‌ ಪಂದ್ಯಶ್ರೇಷ್ಠ, ಮಾರ್ಕಸ್‌ ಸ್ಟೋಯಿನಿಸ್‌ ಸರಣಿಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.