ಕಸ್ಟಡಿಯಲ್ಲೇ ನಕ್ಸಲ್‌ ಸಾವು

ಪಾಟ್ನಾ: ಜಾರ್ಖಂಡ್‌ನಿಂದ ಬಂಧಿಸಿ ಕರೆತಂದ ಕೆಲವೇ ಗಂಟೆಗಳಲ್ಲಿ ಪ್ರಮುಖ ನಕ್ಸಲ್‌ ನಾಯಕ ಸಿಧು ಕೋಡಾ (40) ಬಿಹಾರ ಪೊಲೀಸರ ವಶದಲ್ಲೇ ಸಾವಿಗೀಡಾಗಿದ್ದಾನೆ. ಬಿಹಾರದ ಜಮೂಯಿ ಜಿಲ್ಲೆಯವನಾದ ಸಿಧುನನ್ನು ಜಾರ್ಖಂಡ್‌ನ‌ ದುಮ್ಕಾ ರೈಲು ನಿಲ್ದಾಣದಲ್ಲಿ ಶನಿವಾರ ಬೆಳಗ್ಗೆ ಬಂಧಿಸಲಾಗಿತ್ತು.

ನಂತರ ಬಿಹಾರಕ್ಕೆ ಕರೆತಂದು ಆತನನ್ನು ವಿಚಾರಣೆಗೆ ಒಳಪಡಿಸಲಾಗಿತ್ತು. ಎದೆನೋವು ಮತ್ತು ಕಿಬ್ಬೊಟ್ಟೆ ನೋವು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಆತನನ್ನು ಆಸ್ಪತ್ರೆಗೆ ಸಾಗಿಸಲಾಗಿತ್ತು. ಆದರೆ, ಅಷ್ಟರಲ್ಲೇ ಆತ ಮೃತಪಟ್ಟಿದ್ದ. ಆತನ ತಲೆಗೆ 11 ಲಕ್ಷ ರೂ. ಬಹುಮಾನ  ಘೋಷಿಸಲಾಗಿತ್ತು.