ರಬಕವಿ-ಬನಹಟ್ಟಿ: ತೇರದಾಳ ವಿಧಾನ ಸಭಾ ಕ್ಷೇತ್ರದ ಭಾರತೀಯ ಜನತಾ ಪಕ್ಷದ ಅಧಿಕೃತ ಅಭ್ಯರ್ಥಿಯನ್ನಾಗಿ ಘೋಷಣೆ ಮಾಡಿದ್ದು, ಇದೇ ೧೩ ರಂದು ನಾಮಪತ್ರ ಸಲ್ಲಿಸುವುದಾಗಿ ಶಾಸಕ ಸಿದ್ದು ಸವದಿ ತಿಳಿಸಿದರು.
ಬುಧವಾರ ಬನಹಟ್ಟಿಯ ಕಾಡಸಿದ್ಧೇಶ್ವರ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಿ ಮಾತನಾಡಿದರು.
ಕ್ಷೇತ್ರದ ಎಲ್ಲ ದೇವಸ್ಥಾನ ಮತ್ತ ಮಠಗಳಿಗೆ ತೆರಳಿ ಪೂಜೆ ಸಲ್ಲಿಸಲಾಗುವುದು ಮತ್ತು ಮಠಾಧೀಶರ ಆಶೀರ್ವಾದ ಪಡೆದುಕೊಳ್ಳಲಾಗುವುದು. ಗುರುವಾರ ಮೂಹರ್ತದಂತೆ ನಾಮಪತ್ರ ಸಲ್ಲಿಸಲಾಗುವುದು. ಇದೇ ೨೦ರ ಒಳಗಾಗಿ ವಿಧಾನ ಸಭಾ ಕ್ಷೇತ್ರ ವ್ಯಾಪ್ತಿಯ ಪಕ್ಷದ ಪ್ರಮುಖ ನಾಯಕರು, ಹಾಗೂ ಕಾರ್ಯಕರ್ತರನ್ನು ಕೂಡಿಸಿ ಭಾರತೀಯ ಜನತಾ ಪಕ್ಷದ ಶಕ್ತಿ ಪ್ರದರ್ಶನದೊಂದಿಗೆ ನಾಮಪತ್ರ ಸಲ್ಲಿಸಲಾಗುವುದು.
ಪಕ್ಷದ ಕಾರ್ಯಕರ್ತರನ್ನು ಪಕ್ಷ ಯಾವತ್ತಿಗೂ ಬಿಡುವುದಿಲ್ಲ ಎಂಬ ವಿಶ್ವಾಸವಿತ್ತು. ತೇರದಾಳ ವಿಧಾನ ಸಭಾ ಕ್ಷೇತ್ರದ ಮತದಾರರ ಮತ್ತು ಪಕ್ಷದ ಕಾರ್ಯಕರ್ತರ ಪ್ರೀತಿ, ವಿಶ್ವಾಸ ಮತ್ತೊಮ್ಮೆ ಟಿಕೆಟ್ ದೊರೆಯುವಂತೆ ಮಾಡಿದೆ. ಕ್ಷೇತ್ರದ ಅಭಿವೃದ್ಧಿಗಾಗಿ ಈಗಾಗಲೇ ಸಾಕಷ್ಟು ಪ್ರಾಮಾಣಿಕ ಪ್ರಯತ್ನ ಮಾಡಿದ್ದೇನೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಹೊಸ ಯೋಜನೆಗಳನ್ನು ಕ್ಷೇತ್ರಕ್ಕೆ ತಂದು ಕ್ಷೇತ್ರದ ಜೊತೆಗೆ ಇಲ್ಲಿಯ ಜನರ ಅಭಿವೃದ್ಧಿಗಾಗಿ ಶ್ರಮಿಸುವೆ ಎಂದು ಶಾಸಕ ಸವದಿ ತಿಳಿಸಿದರು.
ನಂತರ ಅವರು ಬನಹಟ್ಟಿಯ ಕಾಡಸಿದ್ದೇಶ್ವರು, ದೇವರದಾಶಿಮಯ್ಯ, ರಾಮಪುರದ ರಾಮಮಂದಿರ, ರಬಕವಿಯ ಮಲ್ಲಿಕಾರ್ಜುನ, ದಾನಮ್ಮದೇವಿ ದೇವಸ್ಥಾನ, ಚಿಮ್ಮಡದ ಪ್ರಭುದೇವರು, ಮಹಾಲಿಂಗಪುರ ಮಹಾಲಿಂಗೇಶ್ವರ, ನೀಲಕಂಠೇಶ್ವರ ದೇವಸ್ಥಾನ, ಸೈದಾಪುರ ಶಿವಲಿಂಗೇಶ್ವರ ದೇವಸ್ಥಾನ, ತೇರದಾಳ ಪ್ರಭುದೇವರ ದೇವಸ್ಥಾನ, ಹನಗಂಡಿಯ ಬಸವಣ್ಣ ದೇವಸ್ಥಾನ, ಮದನಮಟ್ಟಿ ಮಾರುತೇಶ್ವರ, ಹಳಿಂಗಳಿ ಕಮರಿಮಠ, ರಬಕವಿ ಬ್ರಹ್ಮಾನಂದ ಆಶ್ರಮ, ಆನಂದ ಯೋಗಾಶ್ರಮ, ಹೊಸೂರ ಪರಮಾನಂದ ಆಶ್ರಮ, ಪವಾಡೇಶ್ವರ ಆಶ್ರಮ, ಬಂಡಿಗಣಿ, ಹಿಪ್ಪರಗಿ ಸಂಗಮೇಶ್ವರ ದೇವಸ್ಥಾನ ಸೇರಿದಂತೆ ಪ್ರಮುಖ ದೇವಸ್ಥಾನ ಹಾಗೂ ಮಠಗಳಿಗೆ ಬೇಟ್ಟಿ ನೀಡಿ ಆಶೀರ್ವಾದ ಪಡೆದರು.
ಸಿದ್ದನಗೌಡ ಪಾಟೀಲ, ಧರೆಪ್ಪ ಉಳ್ಳಾಗಡ್ಡಿ, ಸಂಜಯ ತೆಗ್ಗಿ, ಸಿದ್ರಾಮ ಸವದತ್ತಿ, ಶ್ರೀಶೈಲ ಯಾದವಾಡ, ಚಿದಾನಂದ ಹೊರಟ್ಟಿ, ಯಲ್ಲಪ್ಪ ಕಟಗಿ, ಶ್ರೀಶೈಲ ಬೀಳಗಿ, ರಾಮಣ್ಣ ಹಂದಿಗುಂದ, ಸಿದ್ದು ಗೌಡಪ್ಪನವರ, ಭೀಮಶಿ ಪಾಟೀಲ, ಶಿವಾನಂದ ಕಾಗಿ, ಸವಿತಾ ಹೊಸೂರ, ಗೌರಿ ಮಿಳ್ಳಿ, ಪವಿತ್ರಾ ತುಕ್ಕನವರ, ಜಯಶ್ರೀ ಬಾಗೇವಾಡಿ, ವೈಷ್ಣವಿ ಬಾಗೇವಾಡಿ, ಸುವರ್ಣಾ ಕೊಪ್ಪದ, ದುರ್ಗವ್ವ ಹರಿಜನ ಹಾಗೂ ಮೀನಾಕ್ಷಿ ಸವದಿ ಇದ್ದರು.
ಇದನ್ನೂ ಓದಿ: karnataka election 2023; ಕಾರ್ಕಳ ಪೇಟೆ ಸಂಚಾರ ಸಮಸ್ಯೆಗೆ ದೊರೆಯಲಿ ಮುಕ್ತಿ
