ದಾವೂದ್‌, ನಟ ಸಲ್ಮಾನ್‌ ಸಂಪರ್ಕ ಇದ್ದಿದ್ದಕ್ಕೆ ಸಿದ್ಧಿಕಿ ಹತ್ಯೆ: ಶೂಟರ್‌

ಮುಂಬೈ: ಭೂಗತ ಪಾತಕಿ ದಾವೂದ್‌ ಇಬ್ರಾಹಿಂ ಹಾಗೂ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಜತೆ ಸಂಪರ್ಕ ಹೊಂದಿದ್ದ ಕಾರಣಕ್ಕೆ ಮಾಜಿ ಸಚಿವ ಬಾಬಾ ಸಿದ್ದಿಕಿಯನ್ನು ಗುಂಡಿಟ್ಟು ಹತ್ಯೆ ಮಾಡಿದ್ದೇವೆ ಎಂದು ಬಧಿತ ಶೂಟರ್‌ ಶಿವಕುಮಾರ್‌ ಗೌತಮ್‌ ಹೇಳಿಕೊಂಡಿದ್ದಾನೆ.

ಈ ಹತ್ಯೆ ಮಾಡಲು ಗೌತಮ್‌ಗೆ 10 ಲಕ್ಷ ರೂಪಾಯಿ, ವಿದೇಶಿ ಪ್ರವಾಸ ಹಾಗೂ ತಿಂಗಳ ಭತ್ಯೆಯನ್ನು ಭರಿಸುವುದಾಗಿ ಒಪ್ಪಂದವಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. ಗ್ಯಾಂಗ್‌ಸ್ಟರ್‌ ಅನ್ಮೋಲ್‌ ಬಿಷ್ಣೋಯ್‌ ಮುಂಬೈನಲ್ಲಿ ಪಾರುಪತ್ಯ ಸಾಧಿಸುವುದರ ಜೊತೆಗೆ ಭಯವನ್ನು ಹುಟ್ಟುಹಾಕಬೇಕೆಂದು ಈ ರೀತಿ ಮಾಡಿಸುತ್ತಿರುವುದಾಗಿ ತಲೆಮರೆಸಿಕೊಂಡಿರುವ ಪ್ರಕರಣದ ಪ್ರಮುಖ ಆರೋಪಿ ಶುಭಂ ಲೋಂಕರ್‌ ತನಗೆ ಹೇಳಿದ್ದಾಗಿ ಗೌತಮ್‌ ಬಾಯಿಬಿಟ್ಟಿದ್ದಾನೆ.