ಸಿಯಾಚಿನ್‌, ನಕ್ಸಲ್‌ ನಿಗ್ರಹ ಪಡೆಗಳ ಯೋಧರ ಭತ್ಯೆ ಹೆಚ್ಚಳ 

ಹೊಸದಿಲ್ಲಿ: ಸಿಯಾಚಿನ್‌ ಪ್ರದೇಶದಲ್ಲಿನ ಸೇನಾ ಸಿಬಂದಿಗೆ ನೀಡಲಾಗುವ “ಅಪಾಯ ಮತ್ತು ಸಂಕಷ್ಟ’ ಮಾಸಿಕ ಭತ್ಯೆಯನ್ನು ಕೇಂದ್ರ ಸರಕಾರ ದುಪ್ಪಟ್ಟಿಗಿಂತ ಅಧಿಕಗೊಳಿಸಿದೆ. ಜತೆಗೆ ಉಗ್ರ ನಿಗ್ರಹ ಮತ್ತು ನಕ್ಸಲ್‌ ಪೀಡಿತ ಪ್ರದೇಶಗಳಲ್ಲಿ ನಿಯೋಜಿತರಾಗಿರುವ ಸೇನಾ ಸಿಬಂದಿಯ ಭತ್ತೆಯನ್ನೂ ಹೆಚ್ಚಿಸಲಾಗಿದೆ. 7ನೇ ವೇತನ ಆಯೋಗದ ಶಿಫಾರಸ್ಸಿನಲ್ಲಿ ಕೇಂದ್ರ ಮಾಡಿದ್ದ ಕೆಲ ಮಾರ್ಪಾಡುಗಳ ಅನ್ವಯ ಕೇಂದ್ರ ಸರಕಾರವು ಈ ಭತ್ತೆ ನಿರ್ಧರಿಸಿದೆ. ಅದರಂತೆ ಸಿಯಾಚಿನ್‌ನ ಎತ್ತರದ ಪ್ರದೇಶದಲ್ಲಿ ನಿಯೋಜಿತರಾಗಿರುವ ಸೈನಿಕರ ಭತ್ತೆಯನ್ನು ಹಿಂದಿದ್ದ 14 ಸಾವಿರ ರೂ.ಗಳಿಂದ 30 ಸಾವಿರ ರೂ.ಗೆ ಹೆಚ್ಚಿಸಲಾಗಿದೆ. ಅಧಿಕಾರಿಗಳ ಭತ್ತೆಯನ್ನು 21,000ದಿಂದ 42,000ಕ್ಕೆ ಏರಿಸಲಾಗಿದೆ.