ಶೂಟೌಟ್‌: 13 ಮಂದಿ ಆಸ್ಪತ್ರೆಗೆ

ಶಿಕಾಗೋ: ಆಗಾಗ ಚಿತ್ರವಿಚಿತ್ರ ಕಾರಣಕ್ಕೆ ಗುಂಡಿನ ದಾಳಿ ಪ್ರಕರಣಗಳು ಅಮೆರಿಕದಲ್ಲಿ ನಡೆಯುತ್ತಿರುತ್ತವೆ. ಅಂತಹದ್ದೇ ಒಂದು ವಿಕ್ಷಿಪ್ತ ಪ್ರಕರಣ, ಶಿಕಾಗೋ ನಗರದ ದಕ್ಷಿಣ ಭಾಗದಲ್ಲಿರುವ ಇಂಗಲ್‌ವುಡ್‌ ಸಮೀಪದ ನಿವಾಸವೊಂದರಲ್ಲಿ ನಡೆದಿದೆ. ಪರಿಣಾಮ 13 ಮಂದಿ ಗಾಯಗೊಂಡಿದ್ದಾರೆ, ಅದರಲ್ಲಿ 4 ಮಂದಿಯ ಪರಿಸ್ಥಿತಿ ತೀವ್ರವಾಗಿದೆ.

ಘಟನೆಗೆ ಕಾರಣವೇನೆಂದು ಗೊತ್ತಾಗಿಲ್ಲ. ರವಿವಾರ ಮಧ್ಯಾಹ್ನ ಮನೆಯೊಂದರಲ್ಲಿ ಔತಣಕೂಟ ಏರ್ಪಾಡಾಗಿತ್ತು. ಆ ವೇಳೆ ಇದ್ದಕ್ಕಿದ್ದಂತೆ ಗುಂಡಿನದಾಳಿ ಶುರುವಾಗಿದೆ. ಕೂಡಲೇ ಒಳಗಿದ್ದವರು ಹೊರಗೋಡಿ ಬಂದಿದ್ದಾರೆ. ಇದೇ ವೇಳೆ ಇನ್ನೆರಡು ಕಡೆಗಳಲ್ಲೂ ಶೂಟಿಂಗ್‌ ನಡೆದಿದೆ. ಮೂರೂ ಪ್ರತ್ಯೇಕ ಪ್ರಕರಣಗಳೆಂದು ಪೊಲೀಸರು ತಿಳಿಸಿದ್ದಾರೆ.