ಜಡ್ಜ್ ಪತ್ನಿ, ಪುತ್ರನಿಗೆ ಗುಂಡು

ಗುರುಗ್ರಾಮ: ಗುರುಗ್ರಾಮದ ಜಿಲ್ಲಾ ಹೆಚ್ಚುವರಿ ನ್ಯಾಯಾಲಯದ ನ್ಯಾಯಾಧೀಶ ಕೃಷ್ಣಕಾಂತ್‌ ಶರ್ಮಾರ ಪತ್ನಿ, ಪುತ್ರನಿಗೆ ಗುಂಡು ಹಾರಿಸಿದ ಘಟನೆ ಶನಿವಾರ ನಡೆದಿದೆ. ನ್ಯಾಯಾಧೀಶರ ಭದ್ರತಾ ಸಿಬ್ಬಂದಿ ಮಹಿಪಾಲ್‌ ಎಂಬಾತನೇ ಈ ಕೃತ್ಯವೆಸಗಿದ್ದಾನೆ. ಗಂಭೀರ ಗಾಯ ಗೊಂಡಿರುವ ರಿತು (38), ಪುತ್ರ ಧ್ರುವ (18) ಚಿಕಿತ್ಸೆ ಪಡೆಯುತ್ತಿದ್ದಾರೆ. ಗುಂಡು ಹಾರಿಸಿದ ಬಳಿಕ ನ್ಯಾಯಾಧೀಶರ ಪುತ್ರನನ್ನು ಕಾರಿನೊಳಕ್ಕೆ ಹಾಕಲೆಂದು ಎಳೆದೊಯ್ಯುತ್ತಿರುವ ದೃಶ್ಯ  ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಅಲ್ಲದೆ, ಕೃತ್ಯದ ಬಳಿಕ ಭದ್ರತಾ ಸಿಬ್ಬಂದಿಯು ನೇರವಾಗಿ ಜಡ್ಜ್ಗೆ ಕರೆ ಮಾಡಿ, ನಿಮ್ಮ ಪತ್ನಿ, ಮಗನಿಗೆ ಗುಂಡು ಹಾರಿಸಿದ್ದೇನೆ ಎಂದೂ ಹೇಳಿಕೊಂಡಿದ್ದಾನೆ. ನಂತರ ನಡೆಸಲಾದ ಶೋಧ ಕಾರ್ಯಾ ಚರಣೆಯಲ್ಲಿ ಆತನನ್ನು ಬಂಧಿಸಲಾಗಿದೆ.