ನಿರಾಣಿ ಮನೆಯಲ್ಲಿ ಶೋಭಾ ಜನ್ಮ ದಿನಾಚರಣೆ

ಜಮಖಂಡಿ/ ಮುಧೋಳ: ಜಮಖಂಡಿ ತಾಲೂಕಿನ ಹುನ್ನೂರಿನಲ್ಲಿ ಬಿಜೆಪಿ ಅಭ್ಯರ್ಥಿ ಪರ ಪ್ರಚಾರ ಸಭೆಯಲ್ಲಿ ಪಾಲ್ಗೊಂಡಿದ್ದ ಸಂಸದೆ ಶೋಭಾ ಕರಂದ್ಲಾಜೆ, ಮುರುಗೇಶ ನಿರಾಣಿ ಅವರ ಮನೆಯಲ್ಲಿ ತಮ್ಮ 52ನೇ ಜನ್ಮದಿನ ಆಚರಿಸಿಕೊಂಡರು.

ಈ ವೇಳೆ, ಮಾಜಿ ಸಿಎಂ ಯಡಿಯೂರಪ್ಪಹಾಗೂ ಶೋಭಾ ಅವರು ಒಟ್ಟಾಗಿ ಕೇಕ್‌ ಕತ್ತರಿಸಿ, ಸಿಹಿ ಹಂಚಿದರು. ಮುರಗೇಶ ನಿರಾಣಿ ಅವರ ಪತ್ನಿ ಕಮಲಾ ನಿರಾಣಿ ಹಾಗೂ ನಿರಾಣಿ ಕುಟುಂಬದವರು ಶೋಭಾ ಜನ್ಮದಿನ ಕಾರ್ಯಕ್ರಮ ಏರ್ಪಡಿಸಿದ್ದರು. ಗೋವಿಂದ ಕಾರಜೋಳ, ಶ್ರೀಕಾಂತ ಕುಲಕರ್ಣಿ ಸೇರಿದಂತೆ ಹಲವು ನಾಯಕರು ಶೋಭಾ ಅವರಿಗೆ ಶುಭಾಶಯ ಕೋರಿದರು.