“ಕವಲು ದಾರಿ’ಗೆ ಶಿವರಾಜಕುಮಾರ್‌ ಕ್ಲಾಪ್‌

ಪುನೀತ್‌ ರಾಜಕುಮಾರ್‌ ಅವರು ಆರಂಭಿಸಿರುವ “ಪಿಆರ್‌ಕೆ’ ಬ್ಯಾನರ್‌ನ ಚೊಚ್ಚಲ ಚಿತ್ರ “ಕವಲು ದಾರಿ’ಯ ಮುಹೂರ್ತ ಶುಕ್ರವಾರ ಕಂಠೀರವ ಸ್ಟುಡಿಯೋದಲ್ಲಿ ನಡೆಯಿತು. ಶಿವರಾಜಕುಮಾರ್‌ ಕ್ಲಾಪ್‌ ಮಾಡುವ ಮೂಲಕ ಚಿತ್ರಕ್ಕೆ ಚಾಲನೆ ನೀಡಿದರು. ಈ ಚಿತ್ರವನ್ನು ಹೇಮಂತ್‌ ರಾವ್‌ ನಿರ್ದೇಶಿಸುತ್ತಿದ್ದು, ರಿಷಿ ನಾಯಕರಾಗಿ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಅನಂತ್‌ನಾಗ್‌, ರೋಶನಿ ಪ್ರಕಾಶ್‌ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ.

ಪುನೀತ್‌ ಬ್ಯಾನರ್‌ನ ಚೊಚ್ಚಲ ಸಿನಿಮಾಕ್ಕೆ ಶುಭ ಕೋರಲು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಸಾ.ರಾ. ಗೋವಿಂದು, ರಾಕ್‌ಲೈನ್‌ ವೆಂಕಟೇಶ್‌, ರಕ್ಷಿತ್‌ ಶೆಟ್ಟಿ, ನಿರ್ದೇಶಕರಾದ ಪವನ್‌ ಒಡೆಯರ್‌, ಸಂತೋಷ್‌ ಆನಂದರಾಮ್‌, ಅನೂಪ್‌ ಭಂಡಾರಿ, ರಿಶಭ್‌ ಶೆಟ್ಟಿ, ಮಹೇಶ್‌ ಬಾಬು ಸೇರಿದಂತೆ ಕನ್ನಡ ಚಿತ್ರರಂಗದ ಬಹುತೇಕ ನಿರ್ಮಾಪಕ, ನಿರ್ದೇಶಕ ಹಾಗೂ ವಿತರಕರು ಆಗಮಿಸಿದ್ದರು.

ಪುನೀತ್‌ ರಾಜಕುಮಾರ್‌ ತಮ್ಮ ತಾಯಿ ಪಾರ್ವತಮ್ಮ ರಾಜಕುಮಾರ್‌ ಹೆಸರಲ್ಲಿ “ಪಿಆರ್‌ಕೆ’ ಎಂಬ ಬ್ಯಾನರ್‌ ಆರಂಭಿಸಿದ್ದು, ಅಶ್ವಿ‌ನಿ ಪುನೀತ್‌ ರಾಜಕುಮಾರ್‌ ಈ ಸಿನಿಮಾದ ನಿರ್ಮಾಪಕರು.