ಶೀರೂರು: ನಾಳೆ ಶ್ರೀರಾಮನವಮಿ ರಥೋತ್ಸವ 

ಹೆಬ್ರಿ: ಉಡುಪಿ ಶ್ರೀ ಶೀರೂರು ಮಠದ ಆಧಿಪತ್ಯಕ್ಕೆ ಒಳಪಟ್ಟ ಹಿರಿಯಡ್ಕ ಸಮೀಪದ ಶೀರೂರು ಮೂಲಮಠದ ಶ್ರೀ ಮುಖ್ಯಪ್ರಾಣ ದೇವರ ಸನ್ನಿಧಿಯಲ್ಲಿ ಶ್ರೀ ಮುಖ್ಯಪ್ರಾಣ ದೇವರಿಗೆ ರಥೋತ್ಸವ ಮಾ. 25ರ ಸಂಜೆ 7.30ಕ್ಕೆ ನಡೆಯಲಿದೆ. ಮಾ. 24ರಂದು ಮಧ್ಯಾಹ್ನ 3 ಗಂಟೆಗೆ ಶ್ರೀ ದೇವರಿಗೆ ಕಟ್ಟೆಪೂಜೆ, ಸಂಜೆ ರಂಗಪೂಜೆ ನಡೆಯಲಿದೆ. ರಾಮನವಮಿಯಂದು ಬೆಳಗ್ಗೆ ವಿಶೇಷ ಪೂಜೆ, ಮಧ್ಯಾಹ್ನ ಮಹಾ ಅನ್ನಸಂತರ್ಪಣೆ, ಸಂಜೆ ದೀಪಾರಾಧನೆ – ಮಹಾ ರಂಗಪೂಜೆ, ಉತ್ಸವ, ವಾಲಗ ಮಂಟಪ ಪೂಜೆ, ಕೊಳಲು ಸೇವೆ ನಡೆಯಲಿವೆ. ಮಾ. 26ರಂದು ಬೆಳಗ್ಗೆ ಪೂಜೆ, 9.30ಕ್ಕೆ ಚೂರ್ಣೋತ್ಸವ, ಸ್ವರ್ಣೆಯಲ್ಲಿ ಅವಭೃಥ, ಕಲಶಾಭಿಷೇಕ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರಿ 7ಕ್ಕೆ ಮಹಾರಂಗಪೂಜೆ ನಡೆಯಲಿದೆ.