ಶಿರಸಿ:ಜೈನ‌ ಮಠದಲ್ಲಿನ ಕಾಣಿಕೆ ಹುಂಡಿ, ಅಮ್ಮನ ತಾಳಿ ಕಳ್ಳತನ‌

ಶಿರಸಿ: ತಾಲೂಕಿನ ಸೋಂದಾ ಜೈನ‌ ಮಠದಲ್ಲಿನ ಕಾಣಿಕೆ ಹುಂಡಿ, ಅಮ್ಮನ ತಾಳಿ ಕಳ್ಳತನ‌ ಕುರಿತು ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ‌ ದೂರು ದಾಖಲಾಗಿದೆ.

ಶ್ರೀ ಜೈನಮಠಕ್ಕೆ ಸೇರಿದ ಶ್ರೀ ಕ್ಷೇತ್ರಪಾಲ ಆದಿನಾಥ ಮಂದಿರ, ಪಾರ್ಶ್ವನಾಥ ಮಂದಿರ, ವೆಂಕಟ್ರಮಣ ದೇವಸ್ಥಾನ ಗಳಿಗೆ ಸೇರಿದ ಸಿ ಸಿ ಕ್ಯಾಮೆರಾ ಡಿ ವಿ ಆರ್ 1, ಕಾಣಿಕೆ ಹುಂಡಿಯಲ್ಲಿನ ನಗದು 13 ಸಾವಿರ ರೂ. ಹಾಗೂ 2 ಗ್ರಾಂ ತೂಕದ ಬಂಗಾರದ ತಾಳಿ ಇರುವ 3 ಕರಿಮಣಿ ಸರ, ಇವುಗಳನ್ನು ಕಳ್ಳರು ಕಳ್ಳತನ ಮಾಡಿದ್ದಾರೆ ಎಂದು ಚಂದ್ರರಾಜ ಶೇಖರ್ ಜೈನ್ ದೂರು‌ ನೀಡಿದ್ದಾರೆ.

ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.