ಶಿವಮೊಗ್ಗ : ಪೊಲೀಸ್ ಮೇಲೆ ಹಲ್ಲೆ ಮಾಡಿ ಗ್ಲಾಸ್ ನುಂಗಿದ ಆರೋಪಿ

ಶಿವಮೊಗ್ಗ : ಪೊಲೀಸ್ ಸಿಬ್ಬಂದಿಯ ಮೇಲೆ ಹಲ್ಲೆ ಮಾಡಿದ ಆರೋಪಿಯೊಬ್ಬ ತಾನು ಗ್ಲಾಸ್ ನುಂಗಿದ ಘಟನೆ ನಗರದ ಶುಭಮಂಗಳ ಸಮುದಾಯ ಭವನದ ಸಮೀಪ ನಡೆದಿದೆ.

ರೂಪೇಶ್ ಎಂಬಾತನಿಂದ ವಿನೋಬಾನಗರ ಠಾಣೆಯ ಪೊಲೀಸ್ ಸಿಬ್ಬಂದಿ ಮಂಜುನಾಥ್ ಮೇಲೆ ಹಲ್ಲೆ ನಡೆದಿದ್ದು, ಇಬ್ಬರನ್ನೂ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆರೋಪಿ ಮೇಲೆ IPC ಸೆಕ್ಷನ್ 397 ಮೇಲೆ ವಾರೆಂಟ್ ಜಾರಿ ಮಾಡಲು ಹೋಗಿದ್ದ ವೇಳೆ ಈ ಘಟನೆ ನಡೆದಿದೆ.

ಆರೋಪಿ ರೂಪೇಶ್ ತಳ್ಳಿದ ರಭಸಕ್ಕೆ ಪೊಲೀಸ್ ಮಂಜುನಾಥ್ ಹೋಗಿ ಪಕ್ಕದ ಚರಂಡಿಗೆ ಬಿದ್ದಿದ್ದಾರೆ. ಇದೇ ಹಿನ್ನಲೆಯ್ಲಲಿ ಮಂಜುನಾಥ್ ಅವರಿಗೆ ತಲೆಗೆ ಪೆಟ್ಟಾಗಿದೆ. ಪೊಲೀಸ್ ಸಿಬ್ಬಂದಿಯನ್ನು ತಳ್ಳಿದ ನಂತರ ಆರೋಪಿಯು ಗ್ಲಾಸ್ ನುಂಗಲು ಯತ್ನಿಸಿದ್ದಾನೆ. ಘಟನೆ ಸಂಬಂಧ ಶಿವಮೊಗ್ಗದ ವಿನೋಬಾನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.