ಹೊಸದಿಲ್ಲಿ: ಸನ್‌ರೈಸರ್ ಹೈದರಾಬಾದ್‌ ತಂಡದಿಂದ ಬೇರ್ಪಟ್ಟ ಶಿಖರ್ ಧವನ್ ತವರಿನ ತಂಡಕ್ಕೆ ಮರಳಿದ್ದು, 10 ವರ್ಷಗಳ ಬಳಿಕ ಡೆಲ್ಲಿ ಡೇರ್‌ಡೆವಿಲ್ಸ್‌ ಪರ ಆಡಲಿದ್ದಾರೆ.
“ಬದಲಾವಣೆ ಪ್ರಕ್ರಿಯೆ’ಯಲ್ಲಿ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದಲ್ಲಿದ್ದ ಆಲ್‌ರೌಂಡರ್‌ ವಿಜಯ್‌ ಶಂಕರ್‌, ಸ್ಪಿನ್ನರ್‌ ಶಾಬಾಜ್‌ ನದೀಂ ಹಾಗೂ ಅಭಿಷೇಕ್‌ ಶರ್ಮ ಅವರನ್ನು ಸನ್‌ರೈಸರ್ ಪಾಲಾಗಿದ್ದಾರೆ. ತಂಡಕ್ಕೆ ನೀಡಿದೆ.
“ಐಪಿಎಲ್‌ನ ಅದ್ಭುತ ಆಟಗಾರನಾದ ಶಿಖರ್ ಧವನ್ ಮುಂದಿನ ಆವೃತ್ತಿಯಲ್ಲಿ ಹೈದರಾಬಾದ್‌ ತಂಡದಲ್ಲಿರುವುದಿಲ್ಲ ಎಂದು ತಿಳಿಸಲು ವಿಷಾದವಾಗುತ್ತಿದೆ. ಆರ್‌ಟಿಎಮ್‌ ಕಾರ್ಡ್ಸ್‌ ಮೂಲಕ ಧವನ್ ಅವರನ್ನು ಖರೀದಿಸಿದ್ದೇವು. ಆದರೆ ಹರಾಜಿನಲ್ಲಿ ಅಲ್ಪ ಮೊತ್ತದಿಂದ ತೃಪ್ತರಾಗದ ಕಾರಣ ಅವರು ಹೈದರಾಬಾದ್‌ ಫ್ರಾಂಚೈಸಿ ಬಿಟ್ಟು ಹೋಗಿದ್ದಾರೆ. ಹಲವು ವರ್ಷಗಳಿಂದ ಹೈದರಾಬಾದ್‌ಗೆ ಅವರ ನೀಡಿರುವ ಕೊಡೆಗೆಯ ಬಗ್ಗೆ ಗೌರವವಿದೆ. ಆದರೆ ಆರ್ಥಿಕ ವಿಚಾರದಲ್ಲಿ ಬೇಸರವಾಗಿದೆ ಹೀಗಾಗಿ ಧವನ್ ಹಿಂದೆ ಸರಿದಿದ್ದಾರೆ’ ಎಂದು ಹೈದರಾಬಾದ್‌ ಫ್ರಾಂಚೈಸಿ ತಿಳಿಸಿದೆ.
2013ರಿಂದ ಹೈದರಾಬಾದ್‌ ತಂಡದ ಪರ ಆಡಿದ ಧವನ್ 91 ಇನ್ನಿಂಗ್ಸ್‌ಗಳಲ್ಲಿ 2,768 ರನ್‌ ಪೇರಿಸಿದ್ದಾರೆ.ಇತ್ತ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡ ಧವನ್ ಆಗಮನದಿಂದ ದೊಡ್ಡದೊಂದು ಬದಲಾವಣೆಯ ನಿರೀಕ್ಷೆಯಲ್ಲಿದೆ.
“ಮುಂದಿನ ಐಪಿಎಲ್‌ನಲ್ಲಿ ಧವನ್ ಡೆಲ್ಲಿ ಪರ ಆಡುಲಿರುವ ವಿಚಾರ ಸಂತಸ ತಂದಿದೆ. ಐಪಿಎಲ್‌ನಲ್ಲಿ ಧವನ್ ಅತ್ಯುತ್ತಮ ಪ್ರದರ್ಶನ ನೀಡಿದ್ದು, ಡೆಲ್ಲಿ ತಂಡಕ್ಕೆ ಅವರ ಅನುಭವ ನೆರವಾಗಲಿದೆ. ಡೆಲ್ಲಿ ಅಭಿಮಾನಿಗಳು ಸ್ಥಳೀಯ ಆಟಗಾರನ ಆಟವನ್ನು ಖುಷಿಯಿಂದ ವೀಕ್ಷಿಸುವುದರಲ್ಲಿ ಅನುಮಾನವಿಲ್ಲ’ ಎಂದು ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದ ಅಧ್ಯಕ್ಷ ಪಾರ್ಥ್ ಜಿಂದಾಲ್‌ ತಿಳಿಸಿದ್ದಾರೆ.
