Advertisement
ಆಸ್ಪತ್ರೆಗೆ ದಾಖಲಾದ ಜಡೇಜ: ತೀವ್ರ ಜ್ವರದ ಹಿನ್ನಲೆಯಲ್ಲಿ ಜಡೇಜ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಇವರು ಚೇತರಿಸಿ ಕೊಳ್ಳಲು 48 ಗಂಟೆಗಳು ಬೇಕಾಗಬಹುದು ಎಂದು ವೈದ್ಯರು ತಿಳಿಸಿದ್ದಾರೆ. ಹೀಗಾಗಿ ಅವರ ಆಯ್ಕೆ ಮೊದಲ ಟೆಸ್ಟ್‌ ಪಂದ್ಯ ಶುರುವಿಗೆ ಕೆಲ ಗಂಟೆಗಳ ಮೊದಲು ನಿರ್ಧಾರವಾಗಲಿದೆ.
ಶಿಖರ್ ಧವನ್ ಗಾಯಗೊಂಡ ಬೆನ್ನಲ್ಲೇ ಮೊದಲ ಟೆಸ್ಟ್‌ನಲ್ಲಿ ಮುರಳಿ ವಿಜಯ್‌ ಜತೆ ಕರ್ನಾಟಕ ಬ್ಯಾಟ್ಸ್‌ಮನ್‌ ಕೆ.ಎಲ್‌.ರಾಹುಲ್‌ ಇನಿಂಗ್ಸ್‌ ಆರಂಭಿಸಲಿದ್ದಾರೆ ಎಂದು ಬಿಸಿಸಿಐ ಪ್ರಕಟಿಸಿತ್ತು. ಆದರೆ ಇದೀಗ ಧವನ್ ಫಿಟ್‌ ಆಗಿರುವುದರಿಂದ ಮುರಳಿ ವಿಜಯ್‌ ಜತೆಗೂಡಿ ಮೊದಲ ಟೆಸ್ಟ್‌ನಲ್ಲಿ ಧವನ್ ಇನಿಂಗ್ಸ್‌ ಆರಂಭಿಸಬಹುದು. ಹೀಗಾದರೆ ರಾಹುಲ್‌ಗೆ ಆಡುವ ಹನ್ನೊಂದರೊಳಗೆ ಅವಕಾಶ
ಸಿಗಲಾರದು. ಬಿಸಿಸಿಐ ಮೂಲಗಳು ಹೇಳುವ ಪ್ರಕಾರ ಆಡುವ ಹನ್ನೊಂದರ ಪಟ್ಟಿ ಇನ್ನೂ ಖಚಿತವಾಗಿಲ್ಲ. ಧವನ್ ಆಡಬೇಕೋ ಅಥವಾ ಬೇಡವೋ ಎನ್ನುವುದನ್ನು ನಾಯಕ ಹಾಗೂ ಕೋಚ್‌ ನಿರ್ಧರಿಸಲಿದ್ದಾರೆ ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
Related Articles
ಜೊಹಾನ್ಸ್‌ಬರ್ಗ್‌: ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿ ಹೇಗೆ ಸಾಗಿದರೂ ಭಾರತವು ಐಸಿಸಿ ಟೆಸ್ಟ್‌ ಶ್ರೇಯಾಂಕದಲ್ಲಿ ತನ್ನ ನಂ.1 ಸ್ಥಾನದಲ್ಲಿಯೇ ಮುಂದುವರಿಯಲಿದೆ. ಒಂದು ವೇಳೆ ಮೂರು ಪಂದ್ಯಗಳ ಸರಣಿಯನ್ನು ದಕ್ಷಿಣ ಆಫ್ರಿಕಾ ವೈಟ್‌ ವಾಷ್‌ಗೈದರೆ ಅದು ಭಾರತದ ಜತೆ ಸಮಬಲ ಸಾಧಿಸಲಿದೆ. ಫಾ ಡು ಪ್ಲೆಸಿಸ್‌ ತಂಡ ಸದ್ಯ ಭಾರತಕ್ಕಿಂತ 13 ಅಂಕ ಹಿನ್ನಡೆಯಲ್ಲಿದೆ. ಭಾರತ
ಸದ್ಯ 124 ಅಂಕ ಹೊಂದಿದೆ. ಒಂದು ವೇಳೆ ದಕ್ಷಿಣ ಆಫ್ರಿಕಾ ಸರಣಿ ವೈಟ್‌ವಾಷ್‌ ಮಾಡಿದರೆ ಎರಡೂ ತಂಡಗಳು ತಲಾ 118 ಅಂಕ
ಗಳಿಸಲಿವೆ. ಒಂದು ವೇಳೆ ಭಾರತ ಮೂರೂ ಪಂದ್ಯಗಳನ್ನು ಗೆದ್ದರೆ 128 ಅಂಕ ಗಳಿಸಲಿದೆ. ಇದೇ ವೇಳೆ ದಕ್ಷಿಣ ಆಫ್ರಿಕಾ 107 ಅಂಕಗಳಿಗೆ ಜಾರಲಿದೆ.
Advertisement