ಶೀಂಬ್ರ : ಸಿದ್ಧಿ ವಿನಾಯಕ ದೇವಸ್ಥಾನದ ಸ್ನಾನ ಘಟ್ಟದಲ್ಲಿ ಕುಸಿತ

ಉಡುಪಿ : ಪೆರಂಪಳ್ಳಿಯ ಶೀಂಬ್ರ ಶ್ರೀ ಸಿದ್ಧಿವಿನಾಯಕ ದೇವಸ್ಥಾನದ ಸ್ನಾನ ಘಟ್ಟ ಪ್ರದೇಶದಲ್ಲಿ ಕುಸಿತ ಸಂಭವಿಸಿದೆ.

ಸಣ್ಣ ನೀರಾವರಿ ಇಲಾಖೆ ಮುಖೇನ 2 ವರ್ಷದ ಹಿಂದೆ 1 ಕೋ. ರೂ. ವೆಚ್ಚದಲ್ಲಿ ಸ್ನಾನಘಟ್ಟ ನಿರ್ಮಿಸಲು ಸರಕಾರ ಘೋಷಣೆ ಮಾಡಿತ್ತು. ಆರಂಭಿಕ ಕೆಲಸಗಳು ನಡೆದಿದ್ದು, ಹಲವು ಲೋಡು ಕಲ್ಲುಗಳನ್ನು ಇಲ್ಲಿ ಹಾಕಲಾಗಿತ್ತು. ಅಪರ ಕ್ರಿಯೆ ನಡೆಯುವ ಜಾಗದಲ್ಲಿ ಹೆಚ್ಚುವರಿ ಮಣ್ಣನ್ನು ತೆಗೆದು ಸ್ನಾನಘಟ್ಟದ ಆರಂಭಿಕ ಕಾಮಗಾರಿಗೆ ಬಳಸಿಕೊಳ್ಳಲಾಗಿತ್ತು. ಮಣ್ಣು ತೆಗೆದ ಜಾಗದಲ್ಲಿ ಮಳೆಯಿಂದ ಇನ್ನಷ್ಟು ಸಡಿಲಗೊಂಡು ಕುಸಿತ ಸಂಭವಿಸಿದೆ ಎನ್ನುತ್ತಾರೆ ಸ್ಥಳೀಯರು.

ಮುಂಜಾಗ್ರತೆ ಕ್ರಮಗಳನ್ನು ತೆಗೆದುಕೊಂಡಿದ್ದು, ವ್ಯವಸ್ಥಿತವಾಗಿ ದೇವಸ್ಥಾನಕ್ಕೆ ಯಾವುದೇ ಅಪಾಯ ಬಾರದಂತೆ ಯೋಜನೆ ರೂಪಿಸಿ ಕಾಮಗಾರಿ ತತ್‌ಕ್ಷಣ ಮುಗಿಸಲು ಸ್ಥಳೀಯರು ಮನವಿ ಮಾಡಿದ್ದಾರೆ.

ಇದನ್ನೂ ಓದಿ : ತೀರ್ಥಹಳ್ಳಿ : ಜಯಚಾಮರಾಜೇಂದ್ರ ಆಸ್ಪತ್ರೆಯ ವೈದ್ಯರ ಕಾರು ಅಪಘಾತ, ಅಪಾಯದಿಂದ ಪಾರಾದ ದಂಪತಿ